కరోనా నుంచి రక్షణకు భూఆవరణలోని ఏకైక సురక్షిత స్థానం

ఇందుగలదు అందులేదని సందేహం వలదు అన్నట్లుగా భూమ్మీద అడుగడుగునా వ్యాపిస్తున్న కరోనావైరస్ నుంచి రక్షించుకోవడం ఎలాగో తెలియక జనం భయపడుతున్నారు. ఇళ్లలో స్వీయ నిర్బంధంలో ఉన్నప్పటికీ కూడా కొందరు వైరస్ బారినపడుతుండడం... అన్ని దేశాల్లో వైరస్ వ్యాప్తి కనిపిస్తున్న నేపథ్యంలో ఈ భూ ఆవరణలో సురక్షిత స్థానమే లేదా అన్న ప్రశ్న వినిపిస్తోంది. దీనికి నాసా సమాధానం చెప్పింది. భూఆవరణలో కరోనా వైరస్ ప్రవేశించలేని ఏకైక ప్రదేశం ఏదైనా ఉందంటే అది అంతర్జాతీయ అంతరిక్ష కేంద్రం ఒక్కటేనని చెప్పింది.

ప్రస్తుతం 164 దేశాలకు కరోనా విస్తరించింది. 2 లక్షల మంది దీని బారిన పడగా దాదాపు 8 వేల మంది మృత్యువాత పడ్డారు. ఈ మహమ్మారి నుం చి బయటపడేందుకు ప్రపంచ దేశాలు వైరస్ పై యుద్ధమే చేస్తున్నాయి. ప్రస్తుత పరిస్థితుల్లో వైరస్ సోకని సురక్షిత ప్రాంతం ఈ భూమండలం మీదే లేదంటున్నారు నిపుణులు. అయితే భూమికి కాస్త ఎత్తులో తిరుగుతున్న స్పేస్ స్టేషన్ సురక్షితమంటున్నారు శాస్త్రవేత్తలు.

అంతర్జాతీయ అంతరిక్ష కేంద్రం భూ ఆవరణలోనే ఉంటుంది. 52 ఏళ్ల క్రితం ఈ స్టేషన్లోని ఒక ఆస్ట్రోనాట్ కు జలుబు చేసింది. అంతకుముందు కానీ ఆ తరువాత కానీ ఇందులో ఒక్కరికి కూడా ఎలాంటి వైరస్ సోకలేదు.ఈ కేంద్రం లో హెల్త్ స్టెబిలైజేషన్ ప్రోగ్రాం కొన్నాళ్లుగా కొనసాగుతున్నందున ఈ కేంద్రానికి వైరస్ సోకే చాన్స్ లేదు. ఇక్కడికి పంపించే వారికి పది రోజులపాటు అన్ని వైద్యపరీక్షలు చేసిన తర్వాతే అనుమతిస్తారు. ఇక్కడికి తప్ప ఇంకెక్కడికైనా వైరస్ రావొచ్చని నాసా శాస్త్రవేత్తలు అంటున్నారు.