కారుతో పాటు భార్యను కూడా ఎత్తుకెళ్లిన దొంగలు..ఆ తర్వాత ఏమైదంటే..?

పిల్లల స్కూల్ ఫీజు కట్టేందుకు భార్యతో కలిసి స్కూల్ కు వెళ్లాడు ఓ భర్త. భార్యను కారులోనే వదిలి ఫీజు కట్టేందుకు స్కూల్ లోకి వెళ్లి వచ్చే సరికి భర్తకి భారీ షాక్ తగిలింది. ఇంతకీ ఏమైంది అని అనుకుంటున్నారా ? అక్కడ పెట్టిన కారు తో సహా , కారులో ఉన్న భార్యను కూడా తీసుకెళ్లారు. ఈ ఘటన పంజాబ్ లోని డేరా బస్సీ ప్రాంతంలో జరిగింది.

పూర్తి వివరాల్లోకి వెళ్తే ... డేరా బస్సికి చెందిన రాజీవ్‌ చంద్‌, రీతు దంపతులకు ఇద్దరు పిల్లలు. తమ పిల్లల స్కూలు ఫీజు చెల్లించడానికి స్కూలు దగ్గరకు వచ్చారు. కారుకి తాళం అలాగే ఉంచి, రాజీవ్‌ స్కూల్లోకి వెళ్లాడు. భార్య కారు లోపలే ఉండి అతడి కోసం ఎదురుచూస్తోంది. కొద్దిసేపటి తర్వాత అదే సమయంలో అటుగా వెళ్తున్న ఇద్దరు వ్యక్తులు కారులోకి చొరబడ్డారు. ఒకరు డ్రైవింగ్‌ సీటులో కూర్చోగా, మరొకరు రీతు నోరును గుడ్డ ముక్కతో మూసి, కారును తీసుకెళ్లిపోయారు. సుమారు ఐదు కిలోమీటర్లు వెళ్లిన అనంతరం రీతూని కారులో నుంచి తోసేసి వెళ్లిపోయారు. స్కూల్ నుంచి బయటికి వచ్చిన రాజీవ్‌ అక్కడ కారు, భార్య కనిపించకపోవడంతో కంగారు పడ్డాడు. భార్యకు ఫోన్ చేసినా స్పందించకపోవడంతో పోలీసులను ఆశ్రయించాడు.

ఈ ఘటనపై కేసు నమోదు చేసుకున్న పోలీసులు సీసీటీవీ పుటేజీ ఆధారంగా విచారణ చేపట్టారు. అయితే , ఈ ఘటన జరిగిన గంటల తర్వాత ఇంటికి చేరుకున్న రీతు జరిగిన ఘటన గురించి భర్తకు చెప్పి బోరుమంది. ఇంతకీ ఏమైంది అంటే .. కారు దొంగలించుకొని వెళ్లే సమయంలో , ఆమె కూడా లోపలే ఉండటంతో .. రీతు నోరు నొక్కి పట్టుకున్నారట. సుమారు ఐదు కిలోమీటర్లు వెళ్లిన అనంతరం రీతూని కారులో నుంచి తోసేసి వెళ్లిపోయారట. ఇదంతా చెప్తూ భార్య బోరున విలపించింది. భార్య క్షేమంగా ఇంటికి చేరుకోవడంతో రాజీవ్ ఊపిరి పీల్చుకున్నాడు. కారును ఎత్తుకెళ్లిన దుండగుల కోసం పోలీసులు గాలిస్తున్నారు.