గణేష్ లడ్డూను వదలని దొంగలు.. ఏం చేశారంటే?

కాదేది దొంగతనానికి అనర్హం అన్నట్టుగా పరిస్థితి మారింది.. అగ్గి పుల్ల, సబ్బు బిల్లే కాదు.. గణపతి లడ్డూనూ వదలడం లేదు దొంగలు..

దేవుడంటే అందరికీ భయం.. భక్తి. కానీ ఆ దేవుడి లడ్డూను కూడా దొంగతనం చేసే రోజులు దాపురించిన వైనం హైదరాబాద్ లో చోటుచేసుకుంది. హైదరాబాద్ లో దొంగలు ఆఖరుకు వినాయక మండపంలో ఓ లడ్డూ చోరీ చేయడం అందరినీ షాక్ కు గురిచేస్తోంది.

హైదరాబాద్ శివారు నార్సింగ్ పోలీస్ స్టేషన్ పరిధిలోని పుప్పాలగూడ ఫ్రెండ్స్ కాలనీలో స్థానికులు ఓ వినాయకుడిని ప్రతిష్ఠించారు. వినాయక మండపంలో గణపతి విగ్రహం వద్ద ఉంచిన లడ్డూ ఇప్పుడు కనిపించకపోవడంతో స్థానికులు అవాక్కయ్యారు.

దీనిపై పోలీసులకు ఫిర్యాదు చేయగా.. వారు ఆ ఏరియాలోని సీసీటీవీ కెమెరాలను పరిశీలించారు. కొంతమంది ముసుగు వేసుకున్న దొంగలు ఆ కాలనీలో ప్రతిష్టించిన గణేషుడి వద్ద లడ్డూను దొంగిలించి తీసుకెళ్లినట్లు సీసీ టీవీ రికార్డుల్లో నమోదైంది.