ఇండియాలో ఫ్యాన్స్​కు మూడురెక్కలు... అదే అమెరికాలో నాలుగు రెక్కలు.. మీకెప్పుడైనా డౌట్​ వచ్చిందా?

మనదేశంలో ఫ్యాన్​ అనేది ఓ కనీస ఉపకరణం. ప్రతి ఇంట్లోనూ ఫ్యాన్​ ఉంటుంది. ప్రస్తుతం ఫ్యాన్​లేని ఇళ్లు ఉండవు అంటే అతిశయోక్తి కాదేమో. ఎక్కడైనా విద్యుత్​ సరఫరా ఇంకా లేని కొండప్రాంతాలను మినహాయిస్తే.. ప్రతి ఇంట్లోనూ ఫ్యాన్లు ఉంటాయి. అవసరానికి తగినట్టే ఫ్యాన్ల కంపెనీలు ఉద్భవించాయి. వీటి మార్కెట్​ కూడా చాలా ఎక్కువ ఉంటుంది. అయితే మనదేశంలో మీరు ఎక్కడైనా ఫ్యాన్​ చూడండి దానికి మూడు రెక్కలు మాత్రమే ఉంటాయి.

అయితే అమెరికా లాంటి దేశాల్లో ఉన్న ఫ్యాన్స్​కు నాలుగురెక్కలు ఉంటాయి. ఈ విషయంపై చాలా మందికి సందేహం వచ్చి ఉంటుంది. అయితే మనదేశంలోని ఫ్యాన్స్​కు మూడు రెక్కలు ఎందుకుంటాయి.. అమెరికాలోని ఫ్యాన్స్​కు నాలుగు రెక్కలు ఎందుకుంటాయో? ఇప్పుడు తెలుసుకుందాం.. ఈ విషయంపై శాస్త్రవేత్తలు ఏమంటున్నారో ? తెలుసుకుందాం.. అమెరికా, కెనడా వంటి దేశాల్లో ఫ్యాన్ల వాడకం చాలా తక్కువ.

ఎందుకంటే అక్కడ ఎక్కువగా ఎయిర్​ కండిషన్లనే వాడుతూ ఉంటారు. అవి చలిదేశాలు కాబట్టి గది ఉష్ణోగ్రత కాస్త ఎక్కువగా ఉండేలా చూసుకుంటారు. అయితే అక్కడ కూడా కొంతమంది ఫ్యాన్లను వినియోగిస్తారు. కానీ ఆ ఫ్యాన్లను మనం గమనిస్తే వాటికి మూడు రెక్కలు కాకుండా నాలుగు రెక్కలు ఉంటాయి. నిజానికి అక్కడ ఫ్యాన్ల అవసరం పెద్దగా ఉండదు. ఒకవేళ అవసరం అయినా గాలి తక్కువగా ఉన్నా సరిపోతుంది.

నాలుగు రెక్కలు ఉన్న ఫ్యాన్లు ఉపయోగిస్తూ మోటార్​పై తక్కువ ఒత్తిడి పడుతుంది. ఫలితంగా అవి తక్కువ సామర్థ్యంతో పనిచేస్తాయి. కాబట్టి వాటితో విద్యుత్​ వినియోగం కూడా తక్కువ.
మనదేశంలో గాలి ఎక్కువ కావాలి కాబట్టి మనం మూడురెక్కలున్న ఫ్యాన్స్ వాడతాం.. వాళ్లకు గాలి తక్కువగా ఉన్న సరిపోతుంది కాబట్టి నాలుగురెక్కలున్న ఫ్యాన్స్​ వాడతారు. దానికి తోడు వాళ్లకు విద్యుత్​ కూడా ఆదా అవుతుంది.