ఎన్నికల్లో ఘర్షణ..టీఆర్ ఎస్ ఎమ్మెల్యేకు గాయాలు

తాజాగా జరుగుతున్న సహకార ఎన్నికలు ఎక్కువ శాతం ప్రశాంతంగా సాగుతున్నా.. కొన్నిచోట్ల మాత్రం ఉద్రిక్త వాతావరణం నెలకొంటోంది. ఇదిలా ఉంటే.. తాజాగా జరిగిన ఎన్నికల ఘర్షణలో అచ్చంపేట ఎమ్మెల్యే గువ్వల బాలరాజు గాయపడటం సంచలనంగా మారింది.

నాగర్ కర్నూలు జిల్లా అమ్రాబాద్ మండల సహకార ఎన్నికల్లో ఇలాంటి పరిస్థితి చోటు చేసుకుంది. ఇక్కడ టీఆర్ఎస్.. కాంగ్రెస్ వర్గాల మధ్య తోపులాట చోటు చేసుకుంది. రెండు పార్టీల మధ్య సాగిన కోట్లాటలో బ్యాలెట్ పత్రాలు గల్లంతు అయ్యాయి. ఈ సందర్భంగా జరిగిన ఘర్షణలో గువ్వల బాలరాజు కుడికంటికి గాయమైంది. దీంతో..పరిస్థితి మరింత ఉద్రిక్తంగా మారింది. ఈ నేపథ్యంలో ఎన్నికను వాయిదా వేస్తూ అధికారులు నిర్ణయం తీసుకున్నారు.