సరిహద్దుల్లో గోడ...ఆఫ్ఘన్ శరణార్థులను అడ్డుకోవడానికేనా ?

ఆఫ్ఘనిస్తాన్‌ లో తాలిబాన్ల ఆక్రమణ తర్వాత ప్రజలు వలస వెళ్లడం గురించి పొరుగు దేశాల ఆందోళనలు చెందుతున్నాయి. తాలిబన్ల దురాక్రమణ అనంతరం అఫ్గనిస్తాన్‌లో నెలకొన్న పరిస్థితుల నేపథ్యంలో లక్షల సంఖ్యలో ఆ దేశ పౌరులు దేశాన్ని విడిచి వెళ్లేందుకు శాయశక్తులా ప్రయత్నిస్తున్నారు. వాస్తవానికి, ఆఫ్ఘనిస్తాన్ పౌరులు సురక్షితమైన ప్రదేశం కోసం ఏదైనా మార్గం ద్వారా దేశం విడిచి వెళ్లాలనుకుంటున్నారు.

చాలామంది తజికిస్తాన్, ఉజ్బెకిస్తాన్, ఇరాన్, టర్కీ, పాకిస్తాన్ లకు పారిపోతున్నారు. అందువల్ల టర్కీ ఇరాన్ సరిహద్దులో 295 కిమీ పొడవు గోడను నిర్మిస్తోంది, తద్వారా ఆఫ్ఘన్ శరణార్థులను నిలిపివేయవచ్చని భావిస్తోంది. టర్కీ అధికారుల ప్రకారం, ఇప్పుడు ఈ సరిహద్దులో కేవలం 5 కిలోమీటర్ల పని మాత్రమే మిగిలి ఉంది. మిగిలిన సరిహద్దు అంటా గోడ నిర్మాణం పూర్తి అయింది. టర్కీలో ఇప్పటికే మిలియన్ల మంది సిరియన్ శరణార్థులు ఉన్నారు. అటువంటి పరిస్థితిలో, శరణార్థుల భారం మరింత పెరగాలని టర్కీ కోరుకోవడం లేదు.

టర్కీ రక్షణ మంత్రి హులుసి అకర్ మాట్లాడుతూ.. మేము మాడ్యులర్ వాల్ నిర్మిస్తున్నాం. అందులో ప్రధాన భాగం పూర్తయింది. సరిహద్దు ప్రాంతాల్లో భద్రతను పెంచాం. ఒక నివేదిక ప్రకారం, తూర్పు సరిహద్దు నుండి ప్రతిరోజూ కనీసం పది వేల మంది ఆఫ్ఘన్ శరణార్థులు టర్కీలోకి ప్రవేశిస్తున్నారు అని చెప్పారు. ఐక్యరాజ్యసమితి సెక్రటరీ జనరల్ ఆంటోనియో గుటెర్రెస్ ఆఫ్ఘన్ పౌరుల ప్రాణాలను కాపాడటంలో, మానవతా సహాయం అందించడంలో సంయమనం పాటించాలని తాలిబాన్, అన్ని ఇతర పార్టీలకు విజ్ఞప్తి చేశారు. మానవతా ప్రాతిపదికన ఆఫ్ఘన్ శరణార్థులను ఒప్పుకోవాలని అన్ని దేశాలకు గుటెర్రెస్ పిలుపునిచ్చారు.

ఆఫ్ఘన్ అధ్యక్షుడు అష్రఫ్ ఘనీ, ఉపాధ్యక్షుడు అమృల్లా సలేహ్, పలువురు సైనిక అధికారులు రెండు రోజుల క్రితం తజికిస్తాన్‌కు పారిపోయారు. అంతకుముందు, కాబూల్‌లోని రష్యన్ రాయబార కార్యాలయం ఆఫ్ఘనిస్తాన్ అధ్యక్షుడు అష్రఫ్ ఘనీ గురించి దిగ్భ్రాంతికరమైన విషయాన్ని వెల్లడించింది. సోమవారం, రష్యా యొక్క RIA వార్తా సంస్థ తన రాయబార కార్యాలయాన్ని ఉటంకిస్తూ, ఘని దేశం నుండి పారిపోతున్నప్పుడు తనతో పాటు నాలుగు కార్లు, నగదును హెలికాప్టర్‌ లో తీసుకెళ్లారు. నగదు మొత్తం చాలా ఉంది. కాబూల్ విమానాశ్రయంలో చాలా నగదు దొరికిందని తాలిబాన్ ప్రకటించింది. ఇది 5 మిలియన్ డాలర్లకు దగ్గరగా ఉందని చెబుతున్నారు. కానీ దీనిని నిర్ధారించలేదు. ఇప్పుడు కాబూల్‌లోని రష్యా రాయబార కార్యాలయం దీనిని ధృవీకరించింది. కాగా, అఫ్గాన్‌లో అంతర్యుద్ధం కారణంగా ప్రతి రోజు వేల సంఖ్యలో ఆ దేశ పౌరులు తూర్పూ సరిహద్దుల గుండా టర్కీలోకి అక్రమంగా ప్రవేశిస్తున్నట్లు నివేదికలు వెల్లడిస్తున్నాయి. మరోవైపు టర్కీలో ఇప్పటికీ రెండు లక్షల మంది సిరియన్లు మరో ఆరు లక్షల మంది అఫ్గాన్లు శరణార్దులుగా ఉన్నారు.