ట్విట్టర్ ట్రెండ్: విరాట్ కోహ్లీని అరెస్ట్ చేయాలి..

టీమిండియాలోనే కాదు.. ఆ ఇద్దరు అభిమానుల్లోనూ సఖ్యత లేదని అర్థమైంది. కెప్టెన్సీ మార్పు విషయంలో విరాట్ కోహ్లీ నాడు బహిరంగంగానే అసంతృప్తి వ్యక్తం చేశాడు. రోహిత్ శర్మను తదుపరి కెప్టెన్ గా వద్దంటూ కేఎల్ రాహుల్ ను చేయాలని బీసీసీఐకి సూచించాడు. ఇదే పెద్ద దుమారం రేపింది.

అనంతరం రోహిత్, కోహ్లీకి మధ్య చెడడం.. కోహ్లీని చాలా సిరీస్ లకు విశ్రాంతినిచ్చి రోహిత్ ను కెప్టెన్ గా చేసి టీమిండియాలో లుకలుకలు బయటపడకుండా సరిదిద్దారు. అదంతా సర్దుకొని ఇప్పుడు కోహ్లీ, రోహిత్ లు కలిసి ఆడుతున్నారు.

అయితే వారిద్దరూ టీమిండియా కోసం సర్దుకుపోయినా కానీ వారి అభిమానులు మాత్రం ఇప్పటికీ వైరం కొనసాగిస్తున్నారు. తాజాగా రోహిత్ ఫ్యాన్ పై మాటా మాటా పెరిగి విరాట్ కోహ్లీ ఫ్యాన్ కత్తితో పొడిచి చంపేసిన దారుణ ఘటన చోటుచేసుకుంది. తమిళనాడులోని అరియలూరు జిల్లా పొయ్యూరు గ్రామంలో ఇది వెలుగుచూసింది.

ఈ నేపథ్యంలోనే దీనికి బాధ్యుడిగా అందరూ అంటూ టీమిండియా మాజీ కెప్టెన్ విరాట్ కోహ్లీని అరెస్ట్ చేయాలంటూ సోషల్ మీడియా వేదికగా క్రీడాభిమానులు పెద్ద ఎత్తున డిమాండ్ చేస్తున్నారు. భారత జట్టు ప్రస్తుత కెప్టెన్ రోహిత్ శర్మ అభిమానిని కోహ్లీ అభిమాని హత్య తర్వాత చాలా మంది ట్విట్టర్ వేదికగా కోహ్లీని అరెస్ట్ చేయాల్సిందే అంటూ తమ అభిప్రాయాలు వ్యక్తం చేస్తున్నారు.

తమిళనాడులోని పొయ్యూరు గ్రామానికి చెందిన రోహిత్ శర్మ అబిమానులు, కోహ్లీ అభిమానులు తాజాగా గొడవపడ్డారు. మా ఆటగాడు గొప్పంటే మావాడు గొప్ప అంటూ కొట్టుకున్నారు. ఈ గొడవలో కోహ్లీ అభిమాని.. రోహిత్ ఫ్యాన్ ను దారుణంగా కత్తితో పొడిచి హత్య చేశాడు.

మంగళవారం రాత్రి మల్లూరు సమీపంలోని సిడ్కో ఇండస్ట్రీయల్ ఎస్టేట్ బహిరంగ ప్రదేశంలో క్రికెట్ గురించి చర్చిస్తున్నప్పుడు మద్యం మత్తులో ఉన్న కోహ్లీ ఫ్యాన్ ధర్మరాజ్ తన అభిమాన క్రికెటర్ ను తిట్టాడని ఆగ్రహం వ్యక్తం చేస్తూ రోహిత్ ఫ్యాన్ విఘ్నేష్ ను కత్తితో పొడిచి చంపేశాడు. ప్రస్తుతం ఈ గొడవ జాతీయ స్థాయిలో దుమారం రేపుతూ రోహిత్ ఫ్యాన్స్ అంతా సోషల్ మీడియాలో కోహ్లీని అరెస్ట్ చేయాలంటూ 'అరెస్ట్ కోహ్లీ' అనే హ్యాష్ ట్యాగ్ ను ట్విట్టర్ లో ట్రెండ్ చేస్తున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.