మోడీని చంపేందుకే దాన్ని పంపారా.?

ప్రధాని మోడీని చంపేందుకు కుట్ర జరుగుతోందనే నిజాలు లీక్ కావడంతో ఢిల్లీలోని మోడీ నివాసముంటున్న చుట్టుపక్కల భద్రతను కట్టుదిట్టం చేశారు. భూమి, ఆకాశంపై గట్టి నిఘా ఏర్పాటు చేశారు. కానీ ఆశ్చర్యకరంగా ఓ ఎగిరే సాసర్ లాంటి వస్తువు(యూఎఫ్ ఓ) ను నరేంద్రమోడీ నివాసం దగ్గర ఆకాశంలో గుర్తించినట్టు సీనియర్ సెక్యూరిటీ అధికార ఒకరు వెల్లడించడం కలకలం రేపింది. వెంటనే ఆ వస్తువేంటో తెలుసుకుందామని ప్రయత్నించామని.. కానీ దాని గురించి ఎటువంటి సమాచారం దొరకలేదని తెలిపారు. దీనిపై భద్రతా అధికారులు కూడా ఢిల్లీ పోలీసులకు ఓ నివేదిక ఇచ్చారు. ఇందులో అంతా సవ్యంగానే ఉందని తెలిపారు.

ఈ విషయం లీక్ కావడంతో ఢిల్లీ స్పెషల్ కమిషనర్ ఆఫ్ పోలీస్ దీపేంద్ర పథక్ స్పందించారు. ‘ప్రధాని నివాసం వద్ద ఏదో గుర్తుతెలియని వస్తువు ఆకాశంలో చక్కర్లు కొట్టడం అయితే వాస్తవమే.. కానీ తర్వాత జరిపిన భద్రత తనిఖీల్లో ప్రమాదకమైనదేది మా దృష్టికి రాలేదని’ ఆయన తెలిపారు. అయితే భద్రతా కారణాల వల్ల ఆ వస్తువు ఏమిటనీ తాము వెల్లడించలేమని ఆయన బాంబు పేల్చారు. దీంతో మోడీపై తొలి అటాక్ జరిగినట్టు ఊహాగానాలు వినిపిస్తున్నాయి.

గతేడాది సెప్టెంబర్ 17న కూడా రాత్రి 10 గంటలకు డ్రోన్ లాంటి వస్తువేదో పార్లమెంట్ భవనంపై చక్కర్లు కొట్టిందని ఢిల్లీ పోలీస్ కంట్రోల్ రూంకు సమాచారం వచ్చింది. కానీ ఢిల్లీ ఎయిర్ ట్రాఫిక్ కంట్రోస్ ‘ఏటీసీ) మాత్రం రాడార్ లో ఏమీ కనిపించలేదని తేల్చింది. ఇప్పుడు మరో అరుదైన వస్తువు తిరిగిందనే తేలడంతో ప్రధానికి మరింత కట్టుదిట్టమైన భద్రతా ఏర్పాట్లు చేస్తున్నారట పోలీసులు.