ఐపీఎల్ మ్యాచ్లో తెలుగులో మాట్లాడిన అంపైర్.. వీడియో వైరల్

మ్యాచ్ మధ్యలో చెన్నై బౌలర్ సామ్ కరాన్ బౌలింగ్ లో బంతి నైట్ రైడర్స్ వికెట్ కీపర్ దినేశ్ కార్తీక్ కు అందకుండా వికెట్టుకు కాస్త దూరంగా వెళ్లింది. దీంతో వైడ్ కాదా అంటూ దినేష్ తెలుగులో ప్రశ్నించాడు. దీనికి హైదరాబాద్ కు చెందిన అంపైర్ షంషుద్దీన్ తెలుగులోనే సమాధానం చెప్పాడు. ‘లోపల.. చాలా లోపల కొంచెం కూడా వైడ్ కాదు’ అంటూ నవ్వుతూ బదులిచ్చాడు. ఈ వీడియో ప్రస్తుతం సోషల్ మీడియాలో వైరల్గా మారింది. అభిమానులు కామెంట్స్ సైతం పెడుతున్నారు. షంషుద్దీన్ హైదరాబాద్‌కు చెందిన వ్యక్తి కాగా, తమిళనాడుకు చెందిన దినేష్‌ కార్తీక్‌కి తెలుగు వస్తుందా అని చాలా మంది ఆశ్చర్యపోతున్నారు. దీనిపై కొందరు నెటిజన్లు స్పందిస్తూ దినేష్‌ కార్తీక్‌ పూర్వీకులు తెలుగు వారే అని, మరికొందరేమో కార్తీక్‌ తెలుగు, తమిళం, పంజాబీ, హిందీ కూడా మాట్లాడగలరని కామెంట్లు పెడుతున్నారు.