న‌టుడు అర్జున్ తో కేంద్ర మంత్రి కిష‌న్ రెడ్డి భేటీ..?

ఐదు రాష్ట్రాల ఎన్నిక‌లు ద‌గ్గ‌ర పుడుతు‌న్న కొద్దీ.. బీజేపీ ఎత్తుల‌కు పై ఎత్తులు వేస్తోంది. గెలుపు కోసం అవ‌కాశం ఉన్న అస్త్రాల‌న్నీ వాడుతోంది. ఇందులో భాగంగా త‌మిళ‌నాడుపై ప్ర‌త్యేక దృష్టి సారించింది క‌మ‌ల ద‌ళం. ఆ రాష్ట్రంలో ప్ర‌స్తుతం ఉన్న అవ‌కాశాల‌ను స‌ద్వినియోగం చేసుకొని బ‌ల‌ప‌డాల‌ని తీవ్రంగా య‌త్నిస్తోంది.

ఇందులో భాగంగా.. యాక్ష‌న్ కింగ్ అర్జున్ తో కేంద్ర హోం శాఖ స‌హాయ మంత్రి కిష‌న్ రెడ్డి భేటీ అయిన‌ట్టు తెలుస్తోంది. ఈ ఎన్నిక‌ల్లో త‌మ పార్టీ త‌ర‌పున పోటీ చేయాల‌ని కోరిన‌ట్టు స‌మాచారం. ఈ భేటీలో త‌మిళ‌నాడు రాష్ట్ర బీజేపీ అధ్య‌క్షుడు మురుగ‌న్ కూడా పాల్గొన్న‌ట్టు తెలుస్తోంది.

అయితే.. ఈ ప్ర‌తిపాద‌న‌ను అర్జున్ సున్నితంగా తిర‌స్క‌రించిన‌ట్టు స‌మాచారం. ఈ రాజ‌కీయాల్లో త‌న వ్య‌క్తిత్వానికి ప‌డ‌వ‌ని, త‌న‌కు అంత ‘టాలెంట్’ లేద‌ని చెప్పాడ‌ట యాక్షన్ కింగ్. కాగా.. కొన్ని రోజుల క్రితం కూడా ఇదే విధంగా వ్యాఖ్యానించాడు అర్జున్. రాజకీయాల్లోకి తాను రాలేనని, సినిమా వేరు.. రాజకీయాలు వేరు అని చెప్పాడు.