ఉమ్ముతూ రోటీల తయారు చేసిన దరిద్రుడ్ని పట్టేశారు.. ఎక్కడంటే?

కొద్దిరోజులుగా వైరల్ గా మారిన ఒక వీడియోను చూసినంతనే కడుపులో తిప్పినట్లైంది. మరీ.. ఇంత దారుణంగా కూడా వ్యవహరిస్తారా? అన్న సందేహం కలగటమే కాదు.. దానికి కొనసాగింపుగా వచ్చిన వీడియోలు అన్ని ఇన్ని కావు. ఇంతకీ ఆ వీడియోలో ఏముందంటే.. గ్రాండ్ గా ఫంక్షన్ జరుగుతున్న చోట.. రోటీల్ని లైవ్ గా తయారు చేస్తున్నారు. అతిధులకు వేడి వేడి రోటీల్ని అందిస్తున్నారు.

అయితే.. ఆ రోటీల్ని తయారు చేసేటోళ్లలో ఒకడు.. తాను చేసే ప్రతి రోటీలోనూ తన ఉమ్మును వేసే దారుణాన్ని వీడియోగా తీశారు. అది కాస్తా వైరల్ గా మారి.. చాలామంది షాక్ తిన్నారు. ఇంగితం ఉన్నోడెవడూ చేయని పనికి అవాక్కు అయ్యారు. ఈ వీడియో మీద వాట్సాప్ గ్రూపుల్లో జరిగిన చర్చ అంతా ఇంతా కాదు. దీనిపై తీవ్ర ఆగ్రహావేశాలు వ్యక్తమయ్యాయి. అతడు ఎందుకిలా చేశాడు? అన్న ప్రశ్న అందరిలోనూ మెదిలినా సమాధానం లేని పరిస్థితి. దీంతో.. ఎవరికి తోచిన వాదనను వారు వినిపించటం కనిపించింది.

ఇదిలా ఉంటే.. ఈ వీడియోలోని వ్యక్తిని తాజాగా పోలీసులు అరెస్టు చేశారు. అంతేకాదు.. ఈ వైరల్ వీడియోలని ఫంక్షన్ ఎక్కడ జరిగిందన్న విషయాన్ని గుర్తించారు. భోజ్ పుర్ లో జరిగిన పెళ్లి వేడుకలో రోటీలు తయారు చేసేందుకు వెళ్లిన యువకుడు.. తాను తయారు చేసిన ప్రతి రోటీపై ఉమ్మేశాడు. ఇంత హేయమైన తీరును ప్రదర్శించిన ఈ దరిద్రుడ్ని తాజాగా ఉత్తరప్రదేశ్ లోని ఘజియాబాద్ అరెస్టు చేశారు. కాకుంటే.. సోషల్ మీడియాలో ఇంతలా వైరల్ అయిన నెలల తర్వాత తాజాగా అరెస్టు చేయటం గమనార్హం.