సైకిల్ ఎక్కిన కల్పన పెద్ద ముప్పు తప్పింది

మొన్నటి వరకూ జగన్ జెండా కిందనే ఉండి.. లెక్కలన్నీ చూసుకొని పవర్ పక్కన ఉంటే ఫ్యూచర్ అంతా బాగుంటుందని ఫీలై పార్టీ మారిన పామర్రు ఎమ్మెల్యే ఉప్పులేటి కల్పనకు తాజాగా పెను ప్రమాదం నుంచి తప్పించుకున్నారు. ఇటీవల ఏపీ ముఖ్యమంత్రి చంద్రబాబు సమక్షంలో పార్టీ మారిన ఆమె.. ఫుల్ ఖుషీగా ఉన్న వేళ.. అనుకోని విధంగా ఎదురైన ముప్పు ఆమె అభిమానుల్ని తీవ్ర ఆందోళనకు గురి చేసింది.

విజయవాడకు కారులో వస్తున్న ఆమె.. యనమలకుదురు వద్దకు వచ్చిన వేళ.. ఎదురుగా వచ్చిన స్కూటీతో కారు డ్రైవర్ సడన్ బ్రేక్ వేశారు. ఒక్కసారిగా వేసిన బ్రేక్ తో కారు టైరు పేలిపోయింది. దీంతో.. కారు కుదుపులకు లోనైంది. అనంతరం మరో కారులో ఆమె విజయవాడకు చేరుకున్నారు. ఊహించని పరిణామానికి ఆమె కాసింత షాక్ కు గురైనట్లు చెబుతున్నారు. శుభమా అని పార్టీ మారిన వేళ.. జరిగిన ప్రమాదంపై ఆమె అభిమానులు ఫీలవుతున్నట్లు తెలుస్తోంది.

Like Us on Facebook : https://www.facebook.com/Tupakidotcom/