ఎమ్మెల్యేనని మరిచి బూతులు తిట్టిన వల్లభనేని వంశీ

గన్నవరం ఎమ్మెల్యే వల్లభనేని వంశీ బూతుల దండకం మొదలుపెట్టారు. టీడీపీ నేత, ఉద్యోగ సంఘాల మాజీ నేత అయిన అశోక్ బాబుపై బూతులతో విరుచుకుపడ్డారు. ఓ న్యూస్ చానెల్ డిబేట్ లో పాల్గొన్న అశోక్ బాబు తాజాగా రాజ్యసభ ఎన్నికల్లో టీడీపీకి హ్యాండ్ ఇచ్చి ఓటు వేయని అసమ్మతి ఎమ్మెల్యేలను ఉద్దేశించి వాళ్లు మగాళ్లు కారంటూ ధైర్యంగా ఓటేయలేదని విరుచుపడ్డారు.

ఈ క్రమంలోనే న్యూస్ చానెల్ లైవ్ లోకి ఫోన్ ద్వారా వచ్చిన ఎమ్మెల్యే వల్లభనేని వంశీ బూతుల దండకం మొదలుపెట్టారు. నా మగతనం చూపించాలా నీకు అంటూ అశోక్ బాబును నానా మాటలు అన్నారు. మగాడివైతే ఇలాంటి మాటలు అనవని.. టీడీపీలో నువ్వు ఎలా వచ్చావో నీ చరిత్ర ఏంటో తెలుసు అంటూ బండ బూతులు మొదలుపెట్టారు.

సదురు జర్నలిస్టు వంశీని అదుపుచేసే ప్రయత్నం చేసినా కూడా వంశీ ఆగకుండా బూతులు తిట్టడం.. అదీ లైవ్ లోనే కావడంతో అందరూ అవాక్కయ్యారు.

ఒక ప్రజాప్రతినిధిగా.. ప్రజల్లో మంచి పేరున్న వల్లభనేని వంశీ నోటి నుంచి ఇలాంటి విమర్శలు రావడం చూసి అందరూ షాక్ అయ్యారు. అదీ టాప్ న్యూస్ చానెల్ లైవ్ కార్యక్రమం కావడంతో ఆ సదురు వీడియో వైరల్ అయ్యింది.

ఎమ్మెల్యే అన్నాక విమర్శలు సహజం.. వాటన్నింటిని ఓర్చుకున్నప్పుడే రాజకీయాల్లో రాణిస్తారు. కానీ అవన్నీ పెడచెవిన పెట్టి రెచ్చగొట్టిన నేతలపై బండబూతులు తిట్టిన వంశీ వ్యవహారశైలిపై విమర్శలు వస్తున్నాయి. తను ఎమ్మెల్యే అన్న సంగతి మరిచిపోయి తిట్టిన తిట్లపై అందరూ ఖండిస్తున్నారు. బాధ్యతాయుతమైన పదవిలో ఉన్నవారు బాధ్యతగా వ్యవహరించాలని హితవు పలుకుతున్నారు.

వంశీ మాట్లాడిన బూతుల వీడియో