విజయ్-ధోని కలయిక: ఎందుకు వివాదమైంది?

తమిళ స్టార్ హీరో విజయ్ , భారత క్రికెట్ జట్టు మాజీ కెప్టెన్ మహేంద్ర సింగ్ ధోని కలయిక ఇప్పుడు తమిళనాట పెద్ద వివాదానికి దారితీసింది. హీరో విజయ్ అభిమానులు చేసిన ఓ పని తమిళ రచ్చకు కారణమైంది. వారి అత్యుత్సాహం.. ఏకంగా విజయ్, క్రికటర్ ధోని తలనొప్పి తెచ్చేలా తయారైంది.

తమ అభిమాన హీరో, క్రికెటర్ కలిసిపోవడం చూసి తమిళ అభిమానుల ఆనందానికి అవధులు లేకుండా పోయాయి. వారి అత్యుత్సాహం చూసి ఊహించని రీతిలో పోస్టర్లను విజయ్ అభిమానులు అంటించారు. అదే ఇప్పుడు వివాదానికి కారణమైంది.

చెన్నైలో యాడ్ షూటింగ్ లో భాగంగా నటుడు విజయ్ ను క్రికెటర్ ధోని కలిశాడు. గంటపాటు వీరిద్దరూ మాట్లాడుకున్నారు. వీరి ఫొటోలు సోషల్ మీడియా ట్రెండింగ్ గా మారాయి. ఈ ఇద్దరి కలయికపై అభిమానులు అత్యుత్సాహం ప్రదర్శించారు.

ఎంఎస్ ధోని ఈ దేశానికి ప్రధానమంత్రిగా ఉండాలని.. రాష్ట్రానికి సీఎంగా విజయ్ ఉండాలని ఈ పోస్టర్లు వేశారు. ఈ పోస్టర్లను తమిళనాడులోని మధురైలో అంటించారు. ఈ పోస్టర్లపై ధోని అభిమానులు ఆగ్రహం వ్యక్తం చేశారు. ధోనికి రాజీయాలు అంటకట్టొద్దని.. ఈ పద్ధతి సరికాదని సోషల్ మీడియా వేదికగా ట్రోల్ చేస్తున్నారు.

చెన్నైలోని గోకులం స్టూడియోలో ‘బీస్ట్’ సినిమా షూటింగ్ లో విజయ్ పాల్గొనగా.. అక్కడికే యాడ్ షూటింగ్ కోసం ఎంఎస్ ధోని వచ్చాడు. దీంతో వీరిద్దరూ చాలా సేపు ముచ్చటించారు. ఈ ఫొటోలు సోషల్ మీడియాలో వైరల్ గా మారాయి.