ఫైన‌ల్‌ కు వ‌చ్చిన మాల్యాకు మ‌ళ్లీ షాకిచ్చారు

వేలాది కోట్ల ప్ర‌జాధ‌నాన్ని రుణంగా తీసుకొన్నప్పుడు ఎంతో బాధ్య‌త‌గా వాటిని తిరిగి చెల్లించాల్సి ఉంటుంది. అదే ఉంటే.. ఇప్పుడిలా మాట్లాడాల్సిన అవ‌స‌ర‌మే ఉండేది కాదు. వేల కోట్లు అప్పుగా తీసుకొని.. ద‌ర్జాగా ఎగ్గొట్టి.. గుట్టుచ‌ప్పుడు కాకుండా దేశం విడిచి వెళ్లిపోయిన లిక్క‌ర్ కింగ్ విజ‌య్ మాల్యాకు మ‌రోసారి షాక్ త‌గిలింది. లండ‌న్‌ లో జ‌రుగుతున్న చాంఫియ‌న్స్ ట్రోఫీకి హాజ‌రైన విజ‌య్ మాల్యాపై తీవ్ర విమ‌ర్శ‌లు వెల్లువెత్తాయి. వేలాది కోట్లు ఎగ్గొట్టిన మాల్యా ఎంత ద‌ర్జాగా మ్యాచ్ చూశాడ‌ని ఫీల‌య్యారో ఏమో కానీ.. స్టేడియంలో అత‌న్ని చూసిన కొంద‌రు దొంగ‌.. దొంగ అంటూ కేక‌లు వేసి షాకిచ్చారు.

తాను ఎవ‌రికీ డ‌బ్బులు ఎగ్గొట్ట‌లేదంటూ మాల్యా పిడివాద‌న‌ను వినిపించిన‌ప్ప‌టికీ.. భార‌త విచార‌ణ సంస్థ‌కు అందుబాటులోకి రాని వైనం క‌నిపిస్తుంది. అలాంటి వ్య‌క్తి.. మ్యాచ్ చూడ‌టానికి మాత్రం ద‌ర్జాగా స్టేడియంకు రావ‌టం సంచ‌ల‌నంగా మారింది. అయితే.. ఆయ‌న్ను స్టేడియంలో చూసిన కొంద‌రు దొంగ‌.. దొంగ అంటూ అర‌వ‌టం సంచ‌ల‌నంగా మారింది. ఇంత అవ‌మానం జ‌రిగిన త‌ర్వాత కూడా తాను త‌ర్వాతి మ్యాచ్‌ లు చూసేందుకు స్టేడియంకు వస్తాన‌ని ప్ర‌క‌టించారు.

చెప్పిన‌ట్లే.. తాజాగా జ‌రిగిన భార‌త్ - పాక్ ఫైన‌ల్ పోరుకు మాల్యా హాజ‌ర‌య్యారు. స్టేడియంలోకి అడుగు పెట్టిన లిక్క‌ర్ కింగ్‌ ను చూసిన ప‌లువురు దొంగ‌.. దొంగ అంటూ నినాదాలు చేయ‌టం క‌నిపించింది. అయితే.. ఎవ‌రో ఒక‌రిద్ద‌రు తాగుబోతులు ఇలా మాట్లాడి ఉంటారంటూ విష‌యాన్ని సింఫుల్ గా తీసిపారేశారు మాల్యా. చ‌ర్మం మందంగా మారిన‌ప్పుడు ఏవీ ప‌ట్ట‌వ‌ని చెప్ప‌టం తెలిసిందే. దీనికి మాల్యా నిలువెత్తు నిద‌ర్శ‌న‌మ‌ని చెప్పొచ్చు.

Like Us on Facebook : https://www.facebook.com/Tupakidotcom/