మూడో పెళ్లికి విజ‌య్ మాల్యా రెడీ?

భారత్ లోని బ్యాంకులకు లిక్క‌ర్ కింగ్ విజ‌య్ మాల్యా.....రూ. 9 వేల కోట్లు ఎగ‌వేసి ఎంచ‌క్కా లండ‌న్ చెక్కేసిన సంగ‌తి తెలిసిందే. మాల్యాను భార‌త్ ర‌ప్పించేందుకు భార‌త్ లోని ఎన్ ఫోర్స్ మెంట్ అధికారులు ర‌క‌ర‌కాలుగా ప్ర‌య‌త్నిస్తున్న సంగ‌తి తెలిసిందే. లండ‌న్ లోని వెస్ట్ మినిస్ట‌ర్స్ కోర్టులో మాల్యాపై ఇప్ప‌టికే రెండు సార్లు విచార‌ణ కూడా జ‌రిగింది. అయితే, ఇంత జ‌రుగుతున్నా....మాల్యా మాత్రం త‌న పర్స‌న‌ల్ లైఫ్ ను బాగానే ఎంజాయ్ చేస్తున్నారు. లండ‌న్ లో మాల్యా క్రికెట్ మ్యాచ్ లు - రేసులు చూస్తూ టైంపాస్ చేస్తున్నారు. తాజాగా, మాల్యా....మూడో పెళ్లి చేసుకోబోతున్నార‌ని జాతీయ మీడియాలో క‌థ‌నాలు వెలువుడుతున్నాయి. కింగ్ ఫిష‌ర్ ఎయిర్ లైన్స్ లో ప‌నిచేసిన ఎయిర్ హోస్టెస్ పింకీ లాల్వానీని మాల్యా మూడో పెళ్లి చేసుకోబోతున్నార‌ని క‌థ‌నాలు ప్ర‌సార‌మ‌య్యాయి.

వేల కోట్లు ఎగ‌వేసిన మాల్యా....లండన్ కు వెళ్లిన‌ప్ప‌టి నుంచి పింకీ తోడునీడ‌గా నిలిచింద‌ని తెలుస్తోంది. మాల్యా ఇబ్బందుల్లో ఉన్న సమయంలో పింకీ ఆయ‌న‌ వ్యవహారాలు చక్కబెట్టింద‌ని, వీరిద్ద‌రూ మూడేళ్లుగా డేటింగ్ చేస్తున్నార‌ని వార్త‌లు వెలువడుతున్నాయి. ఈ నేప‌థ్యంలోనే పింకీని మాల్యా పెళ్లి చేసుకోబోతున్నార‌ని వార్త‌లు వ‌స్తున్నాయి. మాల్యా(62)కు ఇప్పటికే 2 పెళ్లిళ్లు అయ్యాయి. ఎయిర్ ఇండియా ఎయిర్ హోస్టెస్ సమీరా త్యాబ్జీని ని 1986లో మాల్యా పెళ్లి చేసుకున్నారు. ఆ త‌ర్వాత 1987లో ఆమెకు విడాకులిచ్చారు. ఆ త‌ర్వాత 1993లో తన చిన్ననాటి స్నేహితురాలు రేఖా మాల్యాను విజ‌య్ మాల్యా రెండో వివాహం చేసుకున్నారు. వీరి సంతాన‌మే సిద్ధార్థ్ మాల్యా - లియ‌న్నా మాల్యా - తాన్యా మాల్యా. త‌న‌పై వ‌చ్చిన పెళ్లి వార్త‌ల‌పై విజ‌య్ మాల్యా స్పందించాల్సి ఉంది.