సజ్జలకు జన్మదిన శుభాకాంక్షలు తెలిపిన విజయసాయిరెడ్డి

ప్రభుత్వ సలహాదారు సజ్జల రామకృష్ణారెడ్డి పుట్టినరోజు సందర్భంగా ఆయనకు శుభాకాంక్షలు వెల్లువెత్తాయి. వైసీపీ ప్రభుత్వంలో సీఎం జగన్ కు అత్యంత సన్నిహితుడిగా.. జగన్ గద్దెనెక్కగానే ఆయనను సలహాదారుగా నియమించుకున్నారు.

వివిధ సంక్షేమ పథకాలు, ప్రభుత్వ విధాన నిర్ణయాల్లో సజ్జల రామకృష్ణారెడ్డి కీలకంగా వ్యవహరిస్తున్నారు. జగన్ కు అత్యంత సన్నిహితుడిగా ముద్రపడ్డారు.

తాజాగా సజ్జల పుట్టినరోజు సందర్భంగా వైసీపీ మంత్రులు, ఎంపీలు, ఎమ్మెల్యే, నాయకులు ఆయనకు శుభాకాంక్షలు తెలిపేందుకు పోటీపడ్డారు.

వైసీపీ ఎంపీ విజయసాయిరెడ్డి స్వయంగా వచ్చి సజ్జలకు శాలువ, జ్ఞాపిక బహూకరించి స్వీటు తినిపించి మరీ శుభాకాంక్షలు తెలిపారు. ఇక విజయసాయిరెడ్డి వెంట విప్ శ్రీకాంత్ రెడ్డి, చంద్రగిరి ఎమ్మెల్యే చెవిరెడ్డి భాస్కర్ రెడ్డి మరికొందరు ప్రముఖులు కూడా పాల్గొని సజ్జలకు శుభాకాంక్షలు తెలిపారు.