ఎన్టీఆర్ కు వెన్నుపోటు..నిజం బయటపెట్టిన విజయసాయి

వైసీపీ ఎంపీ విజయసాయిరెడ్డి మరో సారి ట్విట్టర్ లో యుద్ధం ప్రకటించారు. ఆంధ్రజ్యోతి పత్రిక ఎండీ రాధాకృష్ణ రాసిన ‘కొత్త పలుకు’ వ్యాసాన్ని పట్టుకొని సీఎం వైఎస్ జగన్ మోహన్ రెడ్డిపై తీవ్ర విమర్శలు చేసిన మాజీ మంత్రి యనమల రామకృష్ణుడి బండారం బయటపెట్టేశారు. యనమల చేసిన కుట్రను ట్విట్టర్ సాక్షిగా విడమర్చి చెప్పి కడిగిపారేశాడు. టీడీపీ అధినేత చంద్రబాబు - జనసేనాని పవన్ కళ్యాణ్ లను ఉతికి ఆరేశారు.

తాజాగా వైసీపీ ఎంపీ విజయసాయిరెడ్డి ట్వీట్ చేస్తూ.. ‘యనమల గారు కూడా నీతి బోధలు చేస్తున్నారు. ఎన్టీఆర్ కు వెన్నుపోటు పొడిచిన కుట్రలో ఈయన ప్రధాన భాగస్వామి. అప్పటి పల్లకీ సేవకు తన బంధువులకు అనేక పదవులు - వేల కోట్ల కాంట్రాక్టులు ఇప్పించుకున్నాడు. కులజ్యోతి రాసిన కడుపు మంట వార్తను పట్టుకుని పత్తిగింజ కబుర్లు చెబుతున్నాడు’ అంటూ నిప్పులు కురిపించారు.