అడ్డంగా దొరికిన బాబు..ఎండగట్టిన విజయసాయి

వైసీపీ ఎంపీ విజయసాయిరెడ్డి ట్విట్టర్ లో మరోసారి యుద్ధం ప్రకటించారు. అసెంబ్లీలో బాబు చేసిన వ్యాఖ్యలు.. జగన్ చేసిన మూడు రాజధానులపై విష ప్రచారం చేస్తున్న టీడీపీ పచ్చమీడియాను టార్గెట్ చేశారు.

విజయసాయిరెడ్డి ట్వీట్ చేస్తూ అసెంబ్లీ సాక్షిగా చంద్రబాబు అడ్డంగా దొరికిపోయాడని ధ్వజమెత్తారు. ‘‘వృద్ధ్యాప్య సమస్యల వల్ల చంద్రబాబుకి మతిమరుపు పెరిగింది. శ్రీకాకుళంలో అతి పెద్ద లిఫ్ట్ ఇరిగేషన్ ఏర్పాటు చేశామని అసెంబ్లీలో దబాయించబోయాడు. స్పీకర్ గారు అప్రమత్తంగా ఉండి ఏ లిఫ్ట్ అని ప్రశ్నించడంతో ఇరిగేషన్ మీద దృష్టి పెట్టి అభివృద్ధి చేశామని మాట మార్చాడు. నవ్వుల పాలయ్యాడు.’’ అంటూ ట్విట్టర్ లో చంద్రబాబును కడిగేశాడు విజయసాయిరెడ్డి.

ఇక మరో ట్వీట్ లో ఏపీకి మూడు రాజధానుల ప్రకటన చేసిన సీఎం జగన్ పై విషయం కక్కుతున్న పచ్చమీడియా అధిపతిపై విజయసాయిరెడ్డి నిప్పులు చెరిగారు. ‘‘అమరావతి విషయంలో బాబు కంటే కూడా కిరసనాయిలు తెగ ఫీల్ అయినట్టున్నాడు. పేపర్ నిండా విషపు రాతలు పర్చాడు. రాజధానిని వికేంద్రీకరిస్తే హైదరాబాద్ లాభపడుతుందట. ఇందులో ఏమైనా లాజిక్ ఉందా? కర్నూలు, విశాఖలు అభివృద్ధి చెందొద్దనేది వీళ్ల ఏడుపు.’’ అంటూ పచ్చమీడియా అధిపతిపై ఫైర్ అయ్యారు.