అమరావతి లో పెప్పర్ గ్యాంగ్ దించిన బాబు

వైసీపీ ఎంపీ విజయసాయిరెడ్డి మరోసారి ట్విట్టర్ సాక్షిగా టీడీపీ అధినేత చంద్రబాబుపై మాటల తూటాలు పేల్చారు. వరుస ట్వీట్లతో బెంబేలెత్తించారు. తాజాగా టీడీపీ నేతలను పెయిడ్ ఆర్టిస్టులు అని.. కళ్లల్లో కారం గొట్టే పెప్పర్ గ్యాంగ్ లు అంటూ ఆడిపోసుకున్నారు.

రాజధాని తరలించ వద్దని చంద్రబాబు పిలుపునిస్తే ఎవరూ పట్టించుకోలేదని విజయసాయి రెడ్డి ఎద్దేవా చేశారు. అందుకే కారం చల్లే ‘పెప్పర్ గ్యాంగ్’లను వీధుల్లోకి దించారని దుయ్య బట్టారు. వీళ్లంతా టీడీపీ పెయిడ్ ఆర్టిస్టులని విమర్శించారు. వైసీపీ ఎంపీ నందిగాం సురేష్ పై దాడి చేసిన మహిళలు టీడీపీ పెప్పర్ గ్యాంగ్ అని.. కళ్లలో కారం చల్లారని మండి పడ్డారు.

అమరావతికి సంబంధం లేని మహిళలను తీసుకొచ్చి 40 ఇయర్స్ బాబు దొంగ నాటకాలు ఆడుతున్నారని విజయసాయిరెడ్డి విమర్శించారు. దాడులు చేయిస్తూ దుష్ప్రచారాలు చేయిస్తున్నాడని ధ్వజమెత్తారు. ప్రజలు ఓడించినప్పటి నుంచి రాష్ట్రం లో విధ్వంస రాజకీయం చేస్తున్నాడని విమర్శించాడు. ప్రతిపక్ష నేతవని చెప్పుకోవడానికి సిగ్గుండాలన్నారు.

చంద్రబాబు దోపిడీ బయటపెడితే కులం, కక్ష అంటూ బట్టలు చింపుకుంటున్నాడని విజయసాయిరెడ్డి మండిపడ్డారు. పదవిలో ఉన్నన్నీనాళ్లు కమీషన్లు, వాటాల కోసమే కక్కుర్తి పడ్డాడని.. ఎల్లో మీడియా బాబుకు డప్పు కొడుతూ బయట పడకుండా చూసేదని విమర్శించారు.