విజయసాయిరెడ్డి ఇలా ఆశ్చర్యపరిచాడు

నిత్యం బిజీ లైఫ్ తో సతమతమయ్యే ప్రతి ఒక్కరూ రిలాక్స్ కోరుకుంటారు. ఇక రాజకీయ నాయకులు ఎప్పుడూ ఏదో ఒక టెన్షన్ వాతావరణంలో ఉంటారు. అందువల్ల వీరు అప్పుడప్పుడూ ఇతర ప్రదేశాలకు వెళ్లి ఉల్లాసంగా గడుపుతారు. తాజాగా వైసీపీ కీలక నేత, రాజ్యసభ ఎంపీ విజయసాయిరెడ్డి మాల్దీవుల్లో ప్రత్యక్షమయ్యారు. అక్కడ స్కూబా డైవింగ్ చేస్తూ కనిపించాడు. ఆయన స్కూబా డైవింగ్ చేస్తున్న వీడియోను విజయసాయిరెడ్డి తన ట్విట్టర్ ఖాతాలో షేర్ చేశాడు. దీంతో అది వైరల్ గా మారింది. అండమాన్లోని సాగరతీర అందాలను ఆస్వాదించిన తరువాత ఆయన స్కూబా డైవింగ్ చేస్తున్నట్లు తెలిపారు.

భారత్ కు చేరువలో ఉన్న అండమాన్, మాల్దీవులకు వెళ్లేందుకు చాలా మంది ఇండియన్స్ ఇంట్రెస్టు చూపుతున్నారు. ఇక మాల్దీవుల్లో ప్రముఖులకు ఆఫర్స్ ఇవ్వడంతో పాటు ప్రత్యేక మర్యాదలు చేస్తుండడంతో ఇక్కడికి పయనవుతున్నారు. ఇన్ స్ట్రాగ్రాంలో తమ ఫాలోవర్స్ ను భట్టి మాల్దీవుల్లోని కొన్ని హోటల్స్ సినీ ప్రముఖులను కొన్ని ఆఫర్స్ ఇచ్చిన విషయం తెలిసిందే. దీంతో చాలా మంది తెలుగు నటులు మాల్దీవుల బాట పట్టారు. కొందరు అక్కడి నుంచి అండమాన్ కూ వెళ్లి బీచ్ అందాలను ఎంజాయ్ చేశారు.

ఈమధ్య కొందరు రాజకీయ నాయకులు సైతం ఇలాంటి ప్లేసులకు దారి పడుతున్నారు. తాజాగా వైసీపీ ఎంపీ విజయసాయిరెడ్డి అండమాన్ కు వెళ్లారు. అక్కడ సాగర అందాలను తనివితీరా చూసిన తరువాత స్కూబా డైవింగ్ చేశారు. అండమాన్ సముంద్రంలో 12మీటర్ల లోతులోకి వెల్లారు. నీటిలో స్కూబా డైవింగ్ చేయడం ఎంతో ఎక్సైట్మెంట్ గా ఉందని ఆయన ట్విట్టర్లో పేర్కొన్నారు. లోతైన జీవితాన్ని చూడడం అద్భుతంగా ఉందన్నారు. మాయాజాలంతో తాను ఆశ్చర్యపోయానని విజయసాయిరెడ్డి ట్విట్టర్లో తెలిపాడు.

ప్రతిపక్షాలకు కౌంటర్లు ఇవ్వడంతో ఎప్పుడూ ఫైర్ బ్రాండ్ లా కనిపించే విజయాసాయిరెడ్డి ఇలా ఉల్లాసంగా కనిపించేసరికి అందరూ ఆశ్చర్యపోతున్నారు. ప్రఫధానంగా చంద్రబాబు, లోకేశ్ లపై ఆయన ఎక్కువగా విమర్శలు చేస్తుంటారు. ఇక గత ఎన్నికల సమయం నుంచి విజయసాయిరెడ్డి విశాఖ అభివృద్ధిపై ఎక్కువగా ఫోకస్ పెట్టినట్లు తెలుస్తోంది. విశాఖను రాజధాని చేయాలనే ఆలోచన వచ్చిన సమయంలో అక్కడ పార్టీ బాధ్యతలు ఆయనే నిర్వహిస్తున్నారు. ఢిల్లీలోని కేంద్ర నాయకులకు, రాష్ట్రప్రభుత్వానికి విజయసాయిరెడ్డి మధ్యవర్తిగా వ్యవహరిస్తున్నారు. అదే సమయంలో వైసీపీ పార్లమెంటరీ నేతగా కేంద్రంతో సత్సంబంధాలు నెలకొల్పుతున్నారు.

అయితే రాజకీయ నాయకులు సైతం ఇలాంటి ఉల్లాసాన్ని జీవితాన్ని గడుపుతారని అందరికీ తెలుసు. కానీ విజయసాయిరెడ్డి యంగ్ డైనమిక్ లా స్కూబా డైవింగ్ చేయడం అందరినీ ఆశ్చర్యపరుస్తోంది. దీంతో ఆయన షేర్ చేసిన ట్విట్టర్ ఖాతాలో అభిమానులు, వైసీపీ నాయకులు ఫన్నీ కామెంట్లు పెడుతున్నారు. దీంతో ఆ వీడియో సోషల్ మీడియాలో వైరల్ గా మారింది. మరోవైపు వచ్చే ఎన్నికల పోరుతో బిజీగా మారే విజయసాయిరెడ్డి ఇప్పడు ఉల్లాస జీవితాన్ని గడుపుతున్నారని కొందరు అంటున్నారు.