తన ఓటమి పై సంచలన వ్యాఖ్యలు చేసిన వినోద్

టీఆర్ఎస్ లో అతిపెద్ద ఓటములు ఏవని లెక్క తీస్తే అందులో మొదటిది కేసీఆర్ కూతురు కవిత నిజామాబాద్ లో ఓడి పోవడం.. రెండోది కేసీఆర్ బంధువైన సీనియర్ నేత వినోద్ కరీంనగర్ లో చిత్తవడం.. టీఆర్ఎస్ కు కంచు కోటైన కరీంనగర్ లో కారు కుదేలవ్వడం చూశాక అయ్యో ఏంటి పరిస్థితి అని అందరూ వా పోయారు. వినోద్ ఎలా ఓడి పోయాడనే దానిపై లెక్కలు వేశారు.

తాజాగా తన ఓటమిపై అసలు కారణాన్ని చెప్పుకొచ్చారు మాజీ ఎంపీ వినోద్. తాను గత పార్లమెంట్ ఎన్నికల్లో అతి ఆత్మవిశ్వాసంతో.. ప్రచారం చేయకపోవడం వల్లనే ఓడి పోయినట్లు సంచలన వ్యాఖ్యలు చేశారు. ఆ ఓటమి నుంచి పాఠం నేర్చుకున్నానన్న వినోద్.. ఓటమి తనను అంతగా బాధించలేదని చెప్పుకొచ్చాడు.

తెలంగాణ రాష్ట్ర సమితి ఆవిర్భవించినప్పుడు తెలంగాణ సాధనే తమ లక్ష్యంగా ముందుకెళ్లామని.. తాము మంత్రులు, ఎంపీలవుతామని.. కేసీఆర్ సీఎం అవుతామని అస్సలు ఊహించలేదని సంచలన విషయాలు పంచుకున్నారు.

కరీంనగర్ మున్సిపల్ సన్నాహక సమావేశాల సందర్భంగా తనలాగా అతి విశ్వాసానికి పోయి ఓడి పోవద్దని నేతలకు తననే ఉదాహరణ చూపించి వినోద్ ఈ సంచలన వ్యాఖ్యలు చేశారు.