వైర‌ల్ గా స‌రిహ‌ద్దుల్లో సైనికుడి ఫోటో

సైనికుడి క‌ష్టం గురించి ఎంత చెప్పినా త‌క్కువే. స‌రిహ‌ద్దుల్లో కంటి నిండా క‌నుకు తీయ‌కుండా.. వేయిక‌ళ్లు వేసుకొని శ‌త్రువు జాడ కోసం అనునిత్యం వారు ప‌డే శ్ర‌మ అంతా ఇంతా కాదు. మాతృభూమి ర‌క్ష‌ణ కోసం ప్రాణాన్ని తృణ‌ప్రాయంగా ప‌ణంగా పెట్టే నిస్వార్థ సేవ‌కుడు జ‌వాను. ఇలాంటి మాట‌లు ఇప్ప‌టికే మీరు చాలానే విని ఉంటారు. కానీ.. తాజాగా సోష‌ల్ మీడియాలో వైర‌ల్ అవుతున్న ఈ ఫోటోను చూసినంత‌నే సెల్యూట్ చేయ‌ట‌మే కాదు.. వారి క‌మిట్ మెంట్‌కు ఫిదా కావాల్సిందే.

క‌ఠిన ప‌రిస్థితుల్లో విధి నిర్వ‌హ‌ణ విష‌యంలో ఏ మాత్రం వెన‌క్కి త‌గ్గ‌కుండా వ్య‌వ‌హ‌రించే సైనికుడి క‌ష్టాలు ఎంత‌లా ఉంటాయో తాజా ఫోటో చూస్తే అర్థ‌మ‌వుతుంది. మోకాళ్ల లోతు నీళ్ల‌ల్లో చేతిలో తుపాకీ ప‌ట్టుకొని ప‌హ‌రా కాస్తున్న వైనం చూసిన‌ప్పుడు అస‌లు సిస‌లు సైనికుడి క‌మిట్ మెంట్ ఎలా ఉంటుందో ఇట్టే చెప్పేసే ఫోటోగా దీన్ని చెప్పాలి.

మేజ‌ర్ సురేంద్ర పునియా ట్విట్ట‌ర్ ఖాతాలో పోస్ట్ చేసిన ఫోటో ఇప్పుడు వైర‌ల్ గా మార‌ట‌మే కాదు.. సైనికుడి క‌ష్టాలు ఎలా ఉంటాయ‌న్న విష‌యాన్ని ప్ర‌పంచానికి అర్థ‌మ‌య్యేలా చేసింది. ఈ ఫోటోను చూసినంత‌నే సైనికుల‌కు పాదాభివంద‌నం చేయాలనిపించ‌క మాన‌దు

ఫోటో మాత్ర‌మే కాదు.. దాని కింద ఆయ‌న రాసిన కామెంట్ దేశ ప్ర‌జ‌ల మ‌న‌సుల్ని దోచేసుకుంటోంది. ఏదేమైనా.. ఎక్క‌డైనా.. నిన్న‌.. నేడు.. రేపు ఎప్పుడైనా మీరు న‌న్ను ఇక్క‌డే చూస్తారు.. భార‌త సైనికుడంటూ పోస్ట్ చేసిన ఫోటో ఇప్పుడు దేశ ప్ర‌జ‌ల మ‌న‌సుల్ని దోచుకుంటోంది.