ఎవ‌రీ వాజ్మా అయూబీ... ఏమా క‌థ‌!

టీ20 ఆసియా కప్‌లో భాగంగా అండ‌ర్ డాగ్ గా అడుగుపెట్టిన‌ అఫ్గానిస్తాన్‌ జట్టు ప‌టిష్ట జ‌ట్ల‌పై విజ‌యాలు సాధిస్తోంది. ఇప్ప‌టికే శ్రీలంక‌, బంగ్లాదేశ్ వంటి ప‌టిష్ట జ‌ట్ల‌పై గెలిచిన అఫ్గానిస్తాన్ సూప‌ర్ -4 కు సాధించిన తొలి జ‌ట్టుగా రికార్డు సృష్టించింది. ఈ నేప‌థ్యంలో ఒక అంద‌మైన యువ‌తిపై అంద‌రి క‌ళ్లూ నెల‌కొన్నాయి. ఆమె గురించే మీడియా అంతా మార్మోగుతోంది. సూప‌ర్ మోడ‌ల్స్, హీరోయిన్ల‌ను మించి సంచ‌ల‌నానికి ఆ అందాల రాశి కార‌ణ‌మ‌వుతోంది. కొద్ది రోజుల క్రితం అఫ్గానిస్తాన్‌, బంగ్లాదేశ్‌ మధ్య జరిగిన మ్యాచ్‌కు హాజ‌రైన ఆ అందమైన యువతిపై చ‌ర్చ జ‌రుగుతోంది. ఆమె అందానికి ఆ రోజు స్టేడియానికి వచ్చిన వారితో పాటు టీవీల్లో మ్యాచ్ చూసినవారు కూడా ఫిదా అయ్యారంటే అతిశ‌యోక్తి కాదు.

ఇంత‌గా స‌ర్వ‌త్రా చ‌ర్చ‌గా మారిన ఈ ముద్దుగుమ్మ పేరు.. వాజ్మా అయూబీ అని తెలుస్తోంది. అఫ్గానిస్తాన్‌ అభిమాని అయిన వాజ్మా బౌండరీ లైన్‌ వద్ద అఫ్గాన్‌ జెండా పట్టుకొని ఆటగాళ్లతో పాటు వీక్షకులను తన అందంతో కట్టిపడేస్తోంది. బంగ్లాదేశ్‌తో మ్యాచ్‌ గెలిచిన తర్వాత అఫ్గానిస్తాన్ క్రికెట్ జట్టుకు శుభాకాంక్షలు తెలుపుతూ.. కంగ్రాట్స్‌ బ్లూ టైగర్స్‌ అంటూ వాజ్మా ఆయూబీ తన ట్విట్ట‌రులో పేర్కొన‌డం విశేషం. ప్ర‌స్తుతం అప్గానిస్థాన్ జ‌ట్టు బులుగు దుస్తులు ధ‌రించి మ్యాచ్‌లు ఆడుతున్న సంగ‌తి తెలిసిందే.

సాధార‌ణంగా క్రికెట‌ర్ల‌ను త‌ప్ప మిగ‌తా ఎవ‌రినీ ప‌ట్టించుకోని టీమిండియా అభిమానులు కూడా వాజ్మా అయూబీ అందానికి ముగ్దులవుతున్నారు. ''టీమిండియా, అఫ్గానిస్తాన్‌ మ్యాచ్‌కు కూడా వస్తారా..'' అంటూ భార‌త్ అభిమానులు ఆమెకు కామెంట్ చేస్తుండ‌టం విశేషంగా మారింది. ఇలా వాజ్మా అయూబీ తన అంద‌చందాల‌తో రాత్రికి రాత్రే సెలబ్రిటీగా మారిపోయింది. టీమిండియా, అఫ్గానిస్తాన్‌ మ్యాచ్‌కు ఆమె వస్తుందో లేదో తెలియదు కానీ.. ఒకవేళ వాజ్మాఅయూబీ హాజరైతే మాత్రం అందరి కళ్లు ఆమె వైపే ఉంటాయని చెప్ప‌డంలో ఎలాంటి అతిశ‌యోక్తి లేదు.

ఇప్ప‌టికే పాకిస్థాన్, హాంకాంగ్‌ల మీద విజ‌యాలు సాధించి భార‌త్ సూప‌ర్-4 అర్హ‌త సాధించిన రెండో జ‌ట్టుగా నిలిచింది. త‌న త‌ర్వాత మ్యాచ్‌ను టీమిండియా సెప్టెంబ‌ర్ 6న అప్గానిస్థాన్‌తో త‌ల‌ప‌డ‌నుంది.
ఈ నేప‌థ్యంలో వాజ్మా అయూబీ మ్యాచ్‌కు వ‌స్తారా, రారా అనేదానిపై చ‌ర్చ జ‌రుగుతోంది.

కాగా వాజ్మా అయూబీ ఆప్గానిస్థాన్‌లో ఒక ఎంట‌ర్‌ప్రెన్యూర్ అని, సోష‌ల్ యాక్టివిస్టు అని తెలుస్తోంది. ఆమెకు క్రీడ‌లంటే ఆస‌క్తి అని స‌మాచారం. ఈ నేప‌థ్యంలోనే ఆఫ్గానిస్థాన్- బంగ్లాదేశ్ మ్యాచ్‌కు హాజ‌రైంద‌ని తెలుస్తోంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.