పవన్‌ అభిమానినంటూ ఆ పార్టీ నాయకులతో మీటింగ్‌ లు ఏంటి అమ్మడు?

తెలుగు బిగ్‌ బాస్‌ సీజన్‌ 3 కంటెస్టెంట్‌ అషు రెడ్డి సినిమాల్లో తక్కువగా కనిపిస్తున్నా సోషల్‌ మీడియాలో ఎక్కువగా కనిపిస్తుంది. బుల్లి తెరపై అప్పుడప్పుడు సందడి చేస్తున్న ఈ అమ్మడికి అభిమాన హీరో ఎవరు అంటే ఠక్కున వినిపించే పేరు పవన్‌ కళ్యాణ్‌. ఆ విషయం అంతగా వైరల్‌ అయ్యింది. ఎందుకంటే ఆమె ఎక్కువగా సోషల్‌ మీడియాలో పవన్‌ కళ్యాణ్‌ గురించి పోస్ట్‌ లు పెట్టేది. గతంలో ఆమె తన ప్రైవేట్‌ పార్ట్‌ లో పవన్‌ కళ్యాణ్‌ పేరును టాటూగా వేయించుకుంది. బిగ్‌ బాస్‌ లో ఆమెను నామినేషన్‌ లో ఉన్న సమయంలో పవన్‌ అభిమానులు కాపాడుతూ వచ్చారు అనే టాక్‌ కూడా ఉంది. అలాంటి అషు రెడ్డి పవన్‌ కు వ్యతిరేక పార్టీ అయిన మరో పార్టీ నాయకులతో కార్యక్రమాల్లో పాల్గొనడం.. ఆఫొటోలను షేర్‌ చేయడం పవన్‌ అభిమానులకు నచ్చడం లేదు.

ఎవరు ఏ పార్టీ వారితో అయినా కలువచ్చు.. కావాలంటే ఆ పార్టీ లో జాయిన్‌ కూడా కావచ్చు. కాని పవన్‌ అభిమానిని అంటూ సోషల్‌ మీడియాలో క్రేజ్‌ దక్కించుకుని ఆ ట్యాగ్‌ ఉపయోగించుకుని లబ్ది పొంది ఇప్పుడు మాత్రం ఎందుకు ఇలా ప్లేట్‌ పిరాయించినట్లుగా మరో పార్టీ నాయకులతో కలిసి కార్యక్రమాల్లో పాల్గొనడం అంటూ కొందరు పవన్‌ అభిమానులు సోషల్‌ మీడియాలో అషు రెడ్డిపై విమర్శలు చేస్తున్నారు. ఇటీవల వైజాగ్‌ లో జరిగిన కార్యక్రమంలో అషు రెడ్డి ఆ పార్టీ నాయకులతో పాల్గొంది. దానికే కొందరు సీరియస్‌ అవుతున్నారు. కొందరు మాత్రం సినిమా అభిమానం వేరు.. రాజకీయాలు వేరు కదా పవన్‌ ను అభిమానించినంత మాత్రాన జనసేనలోనే ఉండాలని ఏముంది అంటూ కొందరు అంటున్నారు. మొత్తానికి అషు రెడ్డి ఆ పార్టీ నాయకులతో మీటింగ్‌ ఫొటోలు చర్చనీయాంశం అయ్యాయి.