డివిలియర్స్​ తన భార్యకు ఎక్కడ ప్రపోజ్​ చేశాడంటే?

ఏబీ డివిలియర్స్​ ఓ విధ్వంసకర బ్యాట్స్​ మెన్​.. దక్షిణాఫ్రికాకు చెందిన ఏబీడీ ఐపీఎల్​ లో మెరుపులు మెరిపిస్తున్నాడు. అంతర్జాతీయ క్రికెట్​ కు గుడ్​బై చెప్పినా .. ఐపీఎల్​ లో మాత్రం ప్రత్యర్థుల వెన్నులో వణుకు పుట్టిస్తుంటాడు. అతడు క్రీజ్​ లో ఉన్నాడంటే .. బౌలర్లకు వణుకు పుడుతుంది. ఫీల్డర్స్​ కు అవే తిప్పలు.

ఇక కెప్టెన్సీ చేసేవాళ్లకయితే ఎక్కడ ఫీల్డర్స్​ ను ఎక్కడ పెట్టాలో తెలియకు గందరగొళం నెలకొంటుంది. ఎందుకంటే డివిలియర్స్​ మిస్టర్​ 360..అతడు ఏ యాంగిల్​లోనైనా షాట్స్​ కొట్టగల సమర్థుడు. ఓడిపోతుంది అనుకొనే మ్యాచ్​ ను ఒంటి చేత్తో గెలిపించగలడు. అందుకే అతడికి మనదేశంలోనూ ఎంతోమంది ఫ్యాన్స్​ ఉన్నారు.

ప్రస్తుతం డివిలియర్స్​ రాయల్​ చాలెంజర్స్​ బెంగళూరు తరపున ఆడుతున్న విషయం తెలిసిందే. ప్రస్తుతం ఆర్​సీబీలో డివిలియర్స్​ ఎంతో కీలక ఆటగాడు. జట్టు ఆశలన్నీ అతడి మీదే ఉంటాయి. అందుకు తగ్గట్టుగానే మ్యాచ్​లను మలుపుతిప్పుతుంటాడు ఏబీడీ. అయితే ఇటీవల డివిలియర్స్​ భార్య డేనియల్లె ఇన్​స్టాలో ఫ్యాన్స్​ తో ముచ్చటించారు. ఈ సందర్భంగా ఆమె పలు విషయాలను అభిమానులతో పంచుకున్నారు.

‘డివిలియర్స్​ది నాది లవ్​ కం అరేంజ్​ మ్యారేజ్​. మేము తొలిసారి ఇండియాలోని తాజ్​మహల్​ లో కలుసుకున్నాం. అతడే నాకు ముందుగా ప్రపోజ్​ చేశాడు. ఆగ్రాలోని ఓ హోటల్​లో ఇరు కుటుంబసభ్యులు మా పెళ్లి విషయం మాట్లాడారు. సో మాది పెద్దలు కుదిర్చిన ప్రేమ వివాహం. ఇక డివిలియర్స్​ వ్యక్తిగత విషయానికి వస్తే.. అతడు క్రీజ్​ లో ఉన్నప్పుడు ఎంతో విధ్వంసకరంగా ఆడతాడు. కానీ ఇంట్లో చాలా కూల్​ గా ఉంటాడు. మూగజీవులంటే ఎంతో ఇష్టం. చిన్నపిల్లలన్నా ప్రాణం. నేను ఐపీఎల్​ చూడటానికి ఇండియాకు వచ్చినప్పుడు డివిలియర్స్​ ను తొలిసారి చూశా. పెద్దలు ఒప్పుకోవడంతో దక్షిణాఫ్రికాలో మా పెళ్లి జరిగింది’ అంటూ అభిమానులు అడిగిన పలు ప్రశ్నలకు ఆమె సమాధానం చెప్పారు.