తారక్ రగిలిపోయేలా కొడాలి నాని పాత విషయాన్ని చెప్పిన తమ్ముడు

జూనియర్ ఎన్టీఆర్ అలియాస్ తారక్ మీద తమకున్న ప్రేమను.. గౌరవాన్ని అదే పనిగా చెప్పే వైసీపీ నేతల్లో ఒకరు కొడాలి నాని అయితే మరొకరు వంశీ. ఈ ఇద్దరు నేతలు తారక్ కు తాము అండగా ఉంటామన్న విషయాన్ని చెప్పేందుకు అస్సలు వెనుకాడరు.

తాము ప్రాతినిధ్యం వహించే వైసీపీ నేతలు పలువురికి నచ్చకున్నా.. వారు మాత్రం తారక్ మీద అభిమానాన్ని తరచూ ప్రకటిస్తూనే ఉంటారు. అలాంటివేళ.. గతంలో జరిగిన ఒక విషయాన్ని కొత్తగా వెల్లడించారు తెలుగుదేశం పార్టీ గుడివాడ బాధ్యులు రావి వెంకటేశ్వరరావు.

కొడాలి నాని తీరు ఎలా ఉంటుందన్న విషయాన్ని చెబుతూ.. కోవర్టు రాజకీయాలు చేసే కొడాలి నానికిబుద్ధి చెప్పేందుకు నియోజకవర్గప్రజలు సిద్ధంగా ఉన్నట్లు చెప్పారు. నందమూరి హరిక్రిష్ణ మీదా.. ఆయన కొడుకు మీదా వల్లమాలిన అభిమానాన్ని ప్రదర్శించే కొడాలి నాని.. గతంలో ఏం చేశారో తెలుసా? అంటూ పాత చరిత్రను కొత్తగా ఓపెన్ చేశారు. అప్పట్లో నాని మీద ఉన్న నమ్మకంతో గంట గుర్తు మీద హరిక్రిష్ణ పోటీ చేస్తే.. ఆయన్ను ఓడించిన ఘనత కొడాలి నానిదన్న విషయాన్ని గుర్తు చేశారు.

తాను ప్రాతినిధ్యం వహించే నియోజకవర్గంలో హరిక్రిష్ణ పోటీ చేయటాన్ని జీర్ణించుకోలేని కొడాలి నాని.. ఆయన్ను ఓడించేందుకు తీవ్రంగా ప్రయత్నించి ఓడించారన్నారు. వెన్నుపోటు రాజకీయాలు చేసే అలవాటున్నకొడాలి నాని నీతి కబుర్లు చెప్పటం సిగ్గుచేటుగా ఆయన మండిపడ్డారు.

తాజాగా తెలుగు తమ్ముడు మాటల్ని వింటే.. తారక్ సైతం ఉడికిపోతారని తెలుగు తమ్ముళ్లుఅంటున్నారు. మరి.. తన తండ్రిని ఓడించిన కొడాలి నాని విషయంలో తారక్ ఎలా వ్యవహరిస్తారన్నది ఇప్పుడు ప్రశ్నగా మారింది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.