ట్రైన్ దూసుకెళున్తా.. ఫోన్లో మాట్లాడుతూనే ఉన్న యువతి.. వైరల్..!

పట్టాలు దాటుతున్న ఎదురుగా ట్రైన్ వస్తే ఎవరైనా ఏం చేస్తారు చెప్పండి.. మనమైతే పక్కకు తప్పుకోవడమో లేదంటే.. ట్రైన్ కంటే ముందుగానే పట్టాలు దాటేసి అటువైపు వెళ్లడమో చేస్తాం.. అంతే కదా.. కానీ ఓ యువతి చేసిన పని మాత్రం అందరినీ అవాక్కయ్యేలా చేస్తుంది. ఇందుకు సంబంధించిన వీడియోను ఓ ఐపీఎస్ అధికారి తన ట్విట్టర్లో పోస్టు చేయగా నెట్టింట్లో తెగ వైరల్ అవుతోంది.

ఇంతకీ ఆ యువతి ఏం చేసిందనే కదా.. మీ అనుమానం? అది తెలుసుకోవాలంటే ఈ కథనం పూర్తి చదవాల్సిందే..! హర్యానాలోని రోహతక్ లో ఓ యువతి ఫోన్ మాట్లాడుతూ రైల్వే ట్రాక్ దాటేందుకు ప్రయత్నించింది. ఆమెకు అడుగు దూరంలోనే రైల్వే ప్లాట్ ఫాం ఉంది. ఈ క్రమంలోనూ అటు నుంచి ఓ గూడ్స్ రైలు వస్తుంది.

ఇలాంటి సమయంలో మనమైతే ఫోన్ పక్కనపెట్టి రైలు వచ్చేలోపే ఫ్లాట్ ఫాం పైకి చేరుకుంటాం. కానీ ఆ యువతి మాత్రం తన ప్రాణాలను సైతం లెక్క చేయకుండా ఫోన్ మాట్లాడుతూనే ఉండటం గమనార్హం. ఇక ఆ యువతి ఫ్లాట్ ఫాం ఎక్కే సమయం లేకపోవడంతో పట్టాల మధ్యలోనే పడుకొని పోయింది.

విచిత్రం ఏంటంటే ఆ పరిస్థితి ఆ యువతి ఫోన్ ను మాత్రం వదిలిపెట్టలేదు. తనపై నుంచి రైలు వెళ్లిన తర్వాత తాపీగా పైకి లేస్తూ ఫోన్ మాట్లాడుతూనే ఉంది. రెప్పపాటులో మృత్యువును తప్పించుకున్న ఆ యువతి తనకేమీ జరగనట్టుగా తాపీగా పట్టాలపై నుంచి లేచి ఫోన్ మాట్లాడుతూ వెళ్లడం అందరినీ విస్మయానికి గురి చేస్తోంది.

ఈ వీడియోను ఓ ఐపీఎస్ అధికారి తన ట్విట్టర్లో షేర్ చేశారు. 'ప్రాణాల కన్నా.. ఫోన్లో గాసిప్స్ మాట్లాడటమే అంత ముఖ్యమై పోయిందా? ' అంటూ పోస్ట్ చేయగా నెటిజన్లు సైతం ఆ యువతిని ఏకీపారిరేస్తున్నారు. ఆ యువతికి గాలంట్రీ అవార్డు కింద ఒక్కటి లాగిపెట్టి కొట్టండి అంటూ ఓ నెటిజన్ తీవ్రస్థాయిలో మండిపడ్డాడు.

ఇక ఇదే వీడియోను రైల్వే అధికారులు సైతం పోస్టు చేసి రైలు దాటే సమయంలో జాగ్రత్తగా ఉండాలని సూచించారు. ఈ ఘటన ఈ ఏడాది ఏప్రిల్ నెలలో చోటు చేసుకొగా నేటికీ తెగ వైరల్ అవుతూనే ఉంది. దీనిపై మీ రియాక్షన్ ఏంటో కింద తెలియజేయండి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.