అవును ... జగన్ ఆ రెండు అడ్డగాడిదలని కాస్తున్నారు : వైసీపీ నేత సంచలన వ్యాఖ్యలు !

అదేంటి సీఎం వై ఎస్ జగన్ అడ్డ గాడిదలను కాస్తున్నారు అంటూ వైసీపీ నేత కామెంట్స్ చేయడం తో అందరూ ఒక్కసారిగా షాక్ కి గురైయ్యారు. అయితే , ఆ తర్వాత అయన దాని గురించి పూర్తిగా క్షుణ్ణంగా వివరించి చెప్పడంతో అందులో తప్పేమి లేదు అని అనుకున్నారు. అస‌లు ఆ మాట‌లు అన‌డానికి దారి తీసిన ప‌రిస్థితులు ఏంటి అనే దాని గురించి చూస్తే ..

టీడీపీ మాజీ మంత్రి , చంద్రబాబు తనయుడు నారా లోకేష్ ఎన్నికల్లో ఓటమి చెందినప్పటి నుండి ట్విట్టర్ లో పదునైన విమర్శలు చేస్తూ సంచలనం సృష్టిస్తూ ఉంటాడు. ముఖ్యంగా సీఎం వై ఎస్ జగన్ , జగన్ సర్కార్ పై సోష‌ల్ మీడియా వేదిక‌గా ప‌దేపదే ముఖ్య‌మంత్రి వైఎస్ జ‌గ‌న్‌ పై విమ‌ర్శ‌లు గుప్పిస్తుంటారు. ఈ నేప‌థ్యంలో ఇటీవ‌ల ముఖ్య‌మంత్రిపై లోకేశ్ కొన్ని కామెంట్స్ చేశారు. ముఖ్య‌మంత్రి వైఎస్ జ‌గ‌న్‌ రెడ్డి గాడిద‌లు కాస్తున్నారా? అని లోకేశ్ ప్ర‌శ్నించారు.

నారా లోకేశ్ అడిగిన ప్ర‌శ్న‌పై వైఎస్సార్‌సీపీ రాష్ట్ర ప్ర‌ధాన కార్య‌ద‌ర్శి లేళ్ల అప్పిరెడ్డి ఘాటుగా స్పందించారు. వైసీపీ నేత అప్పిరెడ్డి మీడియాతో మాట్లాడుతూ వైఎస్ జ‌గ‌న్ ప్ర‌మాణ స్వీకారం చేసిన నాటి నుంచి రాష్ట్రంలో బ‌రి తెగించి తిరుగుతున్న రెండు పెద్ద అడ్డ గాడిద‌ల‌ను కాస్తున్నార‌న్నారు. వాటిలో ఒక‌టి చంద్ర‌బాబు , రెండోది లోకేశ్ అని ఎద్దేవా చేశారు.

ఈ రెండు అడ్డ‌గాడిద‌ల నుంచి రాష్ట్రాన్ని జ‌గ‌న్ కాపాడుతున్నార‌ని ఆయ‌న చెప్పారు. దుష్ప్ర‌చారం, అవాస్త‌వాలు, అబ‌ద్ధాలు, కులాలు, మ‌తాలు ప్రాంతాల పేరుతో నీచ రాజ‌కీయాలు చేస్తున్న చంద్ర‌బాబు, లోకేశ్ లాంటి రెండు గాడిద‌ల నుంచి ప్ర‌జ‌ల‌ను ర‌క్షించేందుకు త‌మ ప్ర‌భుత్వం కాప‌లా కాస్తోంద‌ని అప్పిరెడ్డి తనదైన రీతిలో లోకేష్ పై విమర్శలు చేశారు.