యాడ్యూరప్ప కారు షోకు చూస్తే అవాక్కు అవ్వాల్సిందే

ప్రజాసేవలో పునీతం అవుతామని చెప్పే రాజకీయ నేతలు వీలైనంత సింఫుల్ గా బతికేస్తుంటారు. హంగు.. ఆర్భాటం లాంటివి దరి చేరకుండా జాగ్రత్తపడుతుంటారు. తమ చుట్టూ సమస్యలు తిష్ట వేసుకొని ఉన్నవేళ డాబుసరి షోకులు అస్సలు ప్రదర్శించరు. తమకున్న హంగు.. ఆర్భాటం ప్రదర్శిస్తే జనాలకు దూరం అవుతామన్న భావనలో ఉంటారు. అయితే.. ఇలాంటివన్నీ గతంగా మారిపోయినట్లు కనిపిస్తోంది.

తమకున్న సంపదను ప్రదర్శించుకోవటానికి ఇప్పటి నేతలు అస్సలు వెనుకాడటం లేదు. తాజాగా ఆ లిస్ట్ లోనే చేరుతారు కర్ణాటక మాజీ ముఖ్యమంత్రి.. ఈ మధ్యనే కర్ణాటక బీజేపీ అధ్యక్షులుగా ఎంపికైన యాడ్యూరప్ప. ఇటీవల ఆయన ఒక కారును కొనుగోలు చేశారు. నల్ల రంగు టయోటా ఫ్రడో లో ఆయన ప్రయాణిస్తుంటే రాజసం కళ్ల ముందు కదలాడుతున్నట్లుగా ఉండటం ఖాయం. అత్యాధునిక సదుపాయాలు ఉన్న ఈ కారునే తన ప్రయాణానికి.. ప్రచారానికి వినియోగించుకుంటారట.

రూ.92.3 లక్షలు పెట్టి కొనుగోలు చేసిన ఈ కారు ఇంటికి చేరేటప్పటికి రూ.కోటికి చేరువైనట్లు చెబుతున్నారు. కర్ణాటక బీజేపీ రాష్ట్ర అధ్యక్షుడన్న నేమ్ ప్లేట్ పెట్టించి.. పూజలు చేయించి ఇంటికి చేరిన యాడ్యూరప్ప కారు వైభోగం కన్నడ నాట ఇప్పుడు అందరిని ఆకర్షిస్తోంది. మరి.. విపక్ష నేత కారు షోకు కన్నడిగుల స్పందన బయటకు రావాల్సి ఉంది.