యువ నటుడి దారుణ హత్య.. గొంతు కోసి నిందితుల పరారీ

కన్నడ సినీ పరిశ్రమలో తీవ్ర విషాదం అలుముకుంది. వర్ధమాన సినీ నటుడు వజ్ర సతీష్  హత్యకు గురికావడం సంచలనమైంది. ఈ హత్య సినీ ఇండస్ట్రీని తీవ్ర దిగ్భ్రాంతికి గురిచేసింది. ఈ ఘటనలో సొంత బావమరిదితోపాటు మరో ఇద్దరినీ పోలీసులు అరెస్ట్ చేశారు. యువ నటుడు హత్య వెనుక కుట్రను బయటకు లాగేందుకు పోలీసులు దర్యాప్తు చేస్తున్నారు.

వజ్ర సతీష్ కర్ణాటకలోని పట్టానాగేరేలోని ఆర్ఆర్ నగర్ లో జరిగింది. ఈ ప్రాంతంలోని ఇంటి యజమాని హేమంత్ కుమార్ ఇంటిలోనే వజ్ర సతీష్ నివసిస్తున్నాడు. రెండో ఫ్లోర్ లో తన రూంలో రక్తపు మరకలు కనిపించడంతో అనుమానం వచ్చి చూశారు.  దాంతో పోలీసులకు ఫిర్యాదు చేశారు. దుండగులు సతీష్ గొంతు కత్తితో కోశారు. కడుపులో కత్తి గాయాలు ఉన్నాయని పోలీసులు గుర్తించారు.

వజ్ర సతీష్ ‘లగోరి’ అనే సినిమా ద్వారా కన్నడ సినిమా పరిశ్రమలోకి ప్రవేశించాడు. యాక్టింగ్ తోపాటు సెలూన్ నడుపుతూ జీవిస్తున్నాడు. 7 నెలల క్రితం సతీష్ భార్య మరణించింది. ప్రేమించి పెళ్లి చేసుకున్న భార్య మరణించడంతో సతీష్ పై అనుమానాలు వచ్చాయి.

సతీష్ వేధింపులు తట్టుకోలేక ఆయన భార్య మరణించిందని సతీష్ బావమరుదులు ఆరోపిస్తున్నారు. ఇప్పుడు తన కొడుకును భార్య పుట్టింటి నుంచి తీసుకొచ్చేందుకు ప్రయత్నించాడు.   వజ్ర సతీష్ కు కొడుకు ఉన్నాడు. ఇప్పుడిప్పుడే నటుడిగా గుర్తింపు పొందే పాత్రలను పోషిస్తున్నాడు.

తమ చెల్లెలి అనుమానాస్పద మరణం తర్వాత బావ వజ్ర సతీష్ పై బావమరుదులు కోపం పెంచుకున్నారు. అతడికి సరైన గుణపాఠం నేర్పాలని అదును కోసం ఎదురుచూస్తున్నారు.  

ఆ క్రమంలో అదను చూసుకున్న బావమరిది మరో వ్యక్తి నాగేంద్రతో కలిసి సతీష్ ను హత్య చేశారు. ఆ తర్వాత ఇంటికి తాళం వేసి అక్కడి నుంచి పరారయ్యారు. చెల్లిని చంపారనే ఆమె సోదరులు సతీష్ ను చంపినట్టు పోలీసులు అనుమానిస్తున్నారు.