హీరోయిన్ ని పెళ్లాడేందుకు మ్యాచ్ కి ఎగ‌నామం పెట్టిన క్రికెట‌ర్?

ఆ అందాల మ‌ల‌యాళీ యువ‌ హీరోయిన్ బూరె బుగ్గ‌ల‌తోనే క్లీన్ బౌల్డ్ చేసేస్తుంది. ఈ అమ్మ‌డు టీమిండియాకి చెందిన ఓ యంగ్ ఫాస్ట్ బౌల‌ర్ తో గుట్టుగా ప్రేమాయ‌ణం సాగిస్తోంద‌ని గ‌త కొంత‌కాలంగా అభిమానుల్లో చ‌ర్చ సాగుతోంది. సినీ-క్రికెట్ వ‌ర్గాల్లోనూ దీనిపై ఆస‌క్తిక‌ర ముచ్చట్లు వినిపిస్తున్నాయ్. ఆ ఇద్ద‌రూ ర‌హ‌స్యంగా డేటింగ్ చేస్తున్నార‌న్న గుస‌గుస‌లు ఇటీవ‌ల వైర‌ల్ అయ్యాయి.అంతేకాదు.. ఆ యంగ్ ఫాస్ట్ బౌల‌ర్ బౌన్స‌ర్ల‌కు క్లీన్ బౌల్డ్ అయిపోయాన‌‌ని కూడా ఒప్పుకుంది. అత‌డంటే త‌న‌కు చాలా ఇష్ట‌మ‌ని ప‌బ్లిక్ వేదిక‌పైనా క్ర‌ష్ ని బ‌య‌ట‌పెట్టేసింది.

ఇక ఇదే సీక్వెన్స్ క్ర‌మంలో తాజాగా ఇంగ్లండ్ తో జ‌రుగుతున్న నాలుగో టెస్ట్ మ్యాచ్ కి అత‌డు ఎగ‌నామం పెట్టేశాడన్న గుస‌గుస వేడెక్కిస్తోంది. దీంతో ఇలా ఎందుకు చేశాడు? అని ఆరా తీసిన వారికి అత‌డు పెళ్లికి రెడీ అయ్యాడు! అన్న‌దే ఆన్స‌ర్. అటు బీసీసీఐ సైతం దీనినే ధృవీక‌రించ‌డంతో అస‌లేం జ‌రుగుతోంది? అన్న అనుమానం మ‌రింత బ‌ల‌ప‌డింది.

ఇంత‌కీ స‌ద‌రు యంగ్ బౌల‌ర్ ఆ హీరోయిన్ ని పెళ్లాడేందుకు వెళ్లాడా? ఇదే నిజ‌మైతే మ‌రీ అంత ర‌హ‌స్యం దేనికి? అన్న‌దే హాట్ టాపిక్ గా మారింది. అయితే అత‌డితో ఆ హీరోయిన్ క‌లిసి ఉన్న‌ప్ప‌టి ఫోటోలు ఏవీ లేక‌పోవ‌డంతో మ‌రీ అంత గుట్టుగా ఈ ప్రేమ వ్య‌వ‌హారం సాగుతోందా? ఈ ప్ర‌చారంలో నిజం ఎంత‌? అన్న‌దానిపైనా ఆరాలు మొద‌ల‌య్యాయి.