స్టార్ క్రికెటర్.. కొత్తమ్మాయిని పట్టాడు

భారత స్టార్ క్రికెటర్ యువరాజ్ సింగ్ ఒకప్పుడు ఎఫైర్లకు కేంద్ర బిందువుగా ఉండేవాడు. ముందుగా కిమ్ శర్మతో కొన్నేళ్ల పాటు రొమాన్స్ చేసిన యువీ.. ఆ తర్వాత దీపిక పదుకొనేతో కూడా ప్రేమాయణం నడిపాడు. ఆ తర్వాత కూడా ఒకరిద్దరు బాలీవుడ్ భామలతో యువరాజ్ పేరు వినిపించింది. ఐతే 2011 ప్రపంచకప్ అనంతరం క్యాన్సర్ బారిన పడటంతో యువరాజ్ గురించి ఇలాంటి వార్తలు వినిపించడం మానేశాయి. రెండు మూడేళ్ల పాటు యువరాజ్ లోని కొత్త కోణాన్ని చూశారు అభిమానులు. ఐతే అనారోగ్యం నుంచి కోలుకుని మామూలు మనిషయ్యాక మళ్లీ మునుపటి జీవితానికి అలవాటు పడటానికి యువీకి కొంచెం టైం పట్టింది. క్యాన్సర్ బాధితుల కోసం సేవా కార్యక్రమాలు, క్రికెట్ అకాడమీ లాంటి కార్యకలాపాలతో గడిపాడు యువీ.

ఐతే ఇప్పుడు మళ్లీ యువీలోని రొమాంటిక్ బాయ్ బయటికి కనిపిస్తున్నాడు. మళ్లీ ఓ బాలీవుడ్ భామతో అతడి రొమాన్స్ గురించి వార్తలు వినిపిస్తున్నాయి. బ్రిటన్ లో మోడల్ గా కెరీర్ ఆరంభించి.. ఆపై బాలీవుడ్ సినిమాల్లోకి అడుగుపెట్టిన హేజెల్ కీచ్ తో యువరాజ్ ప్రేమాయణం నడుపుతున్నట్లు గుసగుసలు వినిపిస్తున్నాయి. వీళ్లిద్దరూ డేటింగ్ లో ఉన్నారని.. ఇద్దరూ కలిసి ఓ ఫారిన్ టూర్ కూడా వేసి వచ్చారని.. వస్తూ వస్తూ ఎయిర్ పోర్ట్ లో మీడియా వాళ్లకు దొరికిపోయారని బాలీవుడ్ లో వార్తలు వస్తున్నాయి. యువరాజ్ ప్రస్తుతం క్రికెటర్ గా కూడా పెద్ద బిజీగా ఏమీ లేడు. అతడికి టీమ్ ఇండియాలో చోటు లేదు. దేశవాళీ క్రికెట్ లోనూ ఆడట్లేదు. మళ్లీ ఐపీఎల్ వచ్చే వరకు ఖాళీనే. ఈ గ్యాప్ లో ఇలా రొమాన్స్ చేస్తున్నట్లున్నాడు. ఐతే ఇది కూడా ఒకప్పట్లాగే టైంపాస్ వ్యవహారమేనా.. పెళ్లి వైపు అడుగులేస్తాడా అన్నది డౌటు. ఇప్పటికే అతడికి 33 ఏళ్లొచ్చేశాయి.