ఒకే వేదికలో ఆడడం టీమిండియాకు అడ్వంటేజా? విమర్శల్లో నిజమెంత?

భారత క్రికెట్ జట్టు భద్రతా కారణాలతో 2025 చాంపియన్స్ ట్రోఫీ టోర్నమెంట్ ను పాకిస్తాన్ కు వెళ్లకుండా దుబాయ్ లోనే ఆడుతోంది. ఇదే ఇప్పుడు విమర్శలకు కారణమైంది. మాజీ క్రికెటర్లు, ఇతర క్రికెట్ నిపుణులు భారత్ పట్ల ఐసీసీ పక్షపాతం చూపిస్తోందని.. టీమిండియాకు అడ్వంటేజ్ ఇస్తోందని విమర్శలు గుప్పిస్తున్నారు. ఈ నేపథ్యంలో ఐసీసీ భారత్ కు ప్రత్యేక ప్రాధాన్యత ఇస్తోందా? ఒకే వేదికపై మ్యాచ్‌లు ఆడడం టీమిండియాకు ఏవైనా అదనపు ప్రయోజనాలను ఇస్తుందా? అనే ప్రశ్నలు క్రికెట్ వర్గాల్లో చర్చనీయాంశంగా మారాయి.

- విమర్శలు ఎందుకు?

ఐసీసీ తీసుకున్న ఈ నిర్ణయం పట్ల పలు విమర్శలు వచ్చాయి. ఇతర జట్లు పాకిస్తాన్ లో ఆడుతుండగా, కేవలం భారత జట్టుకు మాత్రమే దుబాయ్ వేదికను కేటాయించడం అన్యాయం అంటూ క్రికెట్ విశ్లేషకులు, మాజీ క్రికెటర్లు అభిప్రాయపడుతున్నారు. వెస్టిండీస్ లెజెండ్ వివియన్ రిచర్డ్స్ మాట్లాడుతూ, "ఇది రాజకీయాల ప్రభావం వల్ల జరిగిందా? ఐసీసీ దీనికి సమాధానం చెప్పాలి" అంటూ తన అభిప్రాయాన్ని వెల్లడించారు.

- టీమిండియాకు నిజంగా ఇదే ప్రయోజనమా?

భారత జట్టు ఒకే వేదికపై ఆడడం అనేది ఓ ప్రయోజనం అని కొందరు భావిస్తున్నా, ఇది నమ్మాల్సిన వాదన కాదని క్రికెట్ విశ్లేషకులు అభిప్రాయపడుతున్నారు. గతంలో టీమిండియా ప్రయాణాలను ఎదుర్కొంటూనే విజయాలను సాధించింది:

- 2007లో టీ20 వరల్డ్ కప్ గెలిచినప్పుడు వరుసగా వివిధ వేదికల్లో ఆడింది.

- 2023 వన్డే వరల్డ్ కప్‌లో భారత జట్టు పలు నగరాల్లో మ్యాచ్‌లు ఆడుతూ ఫైనల్‌ వరకు చేరింది.

- వాస్తవాలు ఏమిటి?

ట్రావెల్ ప్రభావం: జట్లు ట్రావెల్ చేయడం వల్ల ఓడిపోతాయనేది సరైన వాదన కాదు. ఆటగాళ్లు ఈ తరహా షెడ్యూల్‌లకు అలవాటు పడ్డారు.

ఒకే వేదికపై ఆడడం: అదే మైదానంలో వరుసగా ఆడటం కొంత ప్రయోజనాన్ని ఇచ్చే అవకాశం ఉంది. కానీ, అంతిమంగా ఆటగాళ్ల ప్రతిభే విజయాన్ని నిర్ణయిస్తుంది.

భద్రత అంశం: భారత్ తమ జట్టును శత్రుదేశమైన పాకిస్తాన్‌కు పంపడం ప్రమాదకరమని భావించింది. అక్కడ ఉగ్రవాద మూలాలు ఇప్పటికీ ఉన్నాయి. గతంలో శ్రీలంక క్రికెటర్లపై ఏకంగా కాల్పులే జరిగాయి. అప్పటి నుంచి ఏ జట్టు పాక్ లో పర్యటించలేదు. ఇక శత్రుదేశమైన భారత్ కూడా అందుకే వెళ్లలేదు. దీనివల్లనే టీమిండియా దుబాయ్ లో ఆడేలా ఈ ప్రత్యేక ఏర్పాట్లు చేసారు.

ఐసీసీ నిర్ణయం చుట్టూ రాజకీయ, క్రికెట్ అంశాలు మిళితమై ఉన్నాయి. ఒకే వేదికపై ఆడడం టీమిండియాకు చిన్న ప్రయోజనం కలిగించొచ్చు. అయితే ఆటలో విజయం సాధించడానికి ప్రధానంగా ప్రదర్శన, జట్టు ప్రణాళికలు, మైదానంలో అనుసరించే వ్యూహాలే ముఖ్యమైనవి. విమర్శలు ఉన్నా, భారత్ ఎక్కడైనా, ఎలాంటి పరిస్థితుల్లోనైనా గెలిచే సామర్థ్యం కలిగిన బలమైన జట్టు అనే దానిపై సందేహం లేదు.