మరోసారి తండ్రైన టీం ఇండియా స్టార్‌
టీం ఇండియా కెప్టెన్‌ రోహిత్‌ శర్మ, రితికా సజ్దే రెండోసారి తల్లిదండ్రులు అయ్యారు.
By: Tupaki Desk | 16 Nov 2024 8:18 AM GMT
టీం ఇండియా కెప్టెన్‌ రోహిత్‌ శర్మ, రితికా సజ్దే రెండోసారి తల్లిదండ్రులు అయ్యారు. వీరికి ఇప్పటికే సమైరా అనే పాప ఉన్న విషయం తెల్సిందే. సోషల్‌ మీడియాలో రోహిత్‌ శర్మ ఫ్యామిలీ ఫోటోలు రెగ్యులర్‌గా వైరల్‌ కావడం మనం చూస్తూనే ఉంటాం. నెట్టింట సమైరా కి ఉన్న ఫాలోయింగ్‌ గురించి కూడా ప్రత్యేకంగా చెప్పనక్కర్లేదు. పాపతో ఫ్రీ టైంను ఎక్కువగా స్పెండ్‌ చేస్తూ ఒక తండ్రిగా లైఫ్‌ను ఎంజాయ్ చేస్తున్న రోహిత్‌ శర్మ మరోసారి తండ్రి అయ్యారు. ఆ విషయం గురించి జాతీయ మీడియాల్లో కథనాలు వస్తున్నాయి. అధికారికంగా మొదట రోహిత్‌ శర్మ నుంచి ప్రకటన రానప్పటికీ మీడియా కథనాలతో క్లారిటీ వచ్చేసింది.
మొదట పాపకు జన్మనిచ్చిన రోహిత్‌ శర్మ భార్య రితికా సజ్దే ఈసారి బాబుకు జన్మనిచ్చింది. రితికా ను ప్రేమించిన రోహిత్‌ శర్మ చాలా కాలం ప్రేమలో మునిగి తేలి 2015లో పెద్దల సమక్షంలో పెళ్లి చేసుకున్నారు. పెళ్లి తర్వాత ఇద్దరు చాలా అన్యోన్యంగా ఉండటం అందరికీ తెల్సిందే. రోహిత్‌ మ్యాచ్‌లకు రితికా ఎక్కువగా హాజరు అవుతూ ఉంటారు.. ఐపీఎల్‌ టైమ్‌లోనూ రితికా ను ఎక్కువగా స్క్రీన్‌ పై చూస్తూ ఉంటాం. రితికా రాకతో రోహిత్‌ జీవితంలో చాలా మార్పులు వచ్చాయి, చాలా లాభం దక్కింది అనేది ఆయన అభిమానుల మాట. ఇప్పుడు కొడుకు ను సైతం ఇచ్చి రోహిత్‌ను మరింత లక్కీ చేసింది.
రోహిత్‌ శర్మ, రితికా జంటకు తాజాగా బాబు జన్మించాడు. బాబు పుట్టిన డేట్‌, టైమ్‌ విషయమై క్లారిటీ రావాల్సి ఉంది. సోషల్‌ మీడియా ద్వారా పెద్ద ఎత్తున రోహిత్‌ శర్మకు అభినందనలు అందుతున్నాయి. ఆయన ప్రస్తుతం ఆస్ట్రేలియాలో ఉండాల్సింది. ఆస్ట్రేలియాతో టెస్టు సిరీస్ కోసం అక్కడకు టీం ఇండియా సభ్యులు మొత్తం చేరుకున్నారు. కానీ రోహిత్‌ శర్మ మాత్రం రితికా డెలివరీ ఉన్న కారణంగానే ఇప్పటి వరకు అక్కడకు వెళ్లలేదు. కాస్త ఆలస్యంగానే రోహిత్‌ శర్మ ఆస్ట్రేలియా వెళ్లే అవకాశాలు ఉన్నాయి.
ప్రస్తుతం జీవితంలో అత్యంత కీలక సమయం కావడంతో రితికా వెంట ఉండాలనే ఉద్దేశ్యంతో రోహిత్‌ శర్మ ఆస్ట్రేలియా పర్యటన వాయిదా వేసుకున్నారని తెలుస్తోంది. మొదట రితికా ప్రెగ్నెన్సీ కారణంగా ఆస్ట్రేలియాకు వెళ్లని రోహిత్‌ శర్మ మొదటి టెస్టుకు అందుబాటులో ఉండక పోవచ్చు అనే ప్రచారం జరిగింది. కానీ ఇప్పటికే డెలివరీ అయ్యి బాబు జన్మించడంతో రోహిత్‌ శర్మ ఆస్ట్రేలియా టూర్‌ కన్ఫర్మ్‌ కానుంది. మొదటి టెస్ట్‌కి ఒకటి రెండు రోజుల ముందే అక్కడకు వెళ్ల అవకాశాలు ఉన్నాయి. మొత్తానికి రోహిత్‌ శర్మ మరోసారి తండ్రి కావడంతో ఆయన ఫ్యాన్స్‌ ఆనందం వ్యక్తం చేస్తూ సోషల్‌ మీడియా ద్వారా శుభాకాంక్షలు తెలియజేస్తున్నారు.
