కాజల్ బుడ్డోడు.. అంత సీరియస్ ఎందుకో..

అందాల చందమామ అనగానే ఎవరికైనా ముందు గుర్తుకు వచ్చేది కాజల్. దశాబ్దానికి పైగా టాలీవుడ్ ని ఏలింది కాజల్. దాదాపు టాలీవుడ్ లోని అందరు స్టార్ హీరోల సరసన నటించింది. సీనియర్ హీరోలు చిరంజీవి, బాలకృష్ణల పక్కన కూడా ఛాన్స్ కొట్టేసింది. అవకాశాలు మంచిగా వస్తున్న సమయంలోనే తాను ప్రేమించిన వ్యక్తిని పెళ్లి చేసుకుంది.

పెళ్లి తర్వాత కూడా వెంటనే తల్లిగా మారింది. కాజల్ కి నీల్ కుచ్లు అనే కుమారుడు ఉన్న విషయం తెలిసిందే. తాజాగా నీల్ కిచ్లు బయటకనిపించాడు. కాజల్ తన ముద్దుల కుమారుడితో కలిసి ఎయిర్ పోర్టులో కనిపించింది. ఆమె ముంబయి నుంచి వెళ్తోంది. టాప్ టూ బాటమ్ బ్లాక్ కలర సల్వార్ కుర్తా ధరించింది.

కాజల్ చేతిలో ముద్దుల నీల్ కిచ్లు కూడా ఉన్నాడు. వైట్ కలర్ నైట్ సూట్ లో ఉన్నాడు. అయితే, కాజల్ కనపడగానే కెమేరా మెన్ లు వెంటనే తమ కెమేరాల్లో బంధించడానికి ప్రయత్నించారు. అయితే, వారిని నీల్ కిచ్లు చూసిన విధానం అభిమానులను ఆకట్టుకుంటోంది. ఎవర్రా మీరంతా అన్నట్లుగా, కోపంగా, చిరాకుగా చూస్తున్నట్లుగా ఉన్నాడు.

అయినా కూడా ముద్దుగానే కనిపిస్తుండటం విశేషం. కాజల్ 2020లో గౌతమ్ కిచ్లుని పెళ్లాడారు. ఈ జంటకు 2022 ఏప్రిల్ 19న కుమారుడు జన్మించాడు. ఈ ఏడాది ఏప్రిల్ లో నీల్ కిచ్లు మొదటి పుట్టినరోజు ఘనంగా జరిపించారు.

ఇదిలా ఉండగా, ప్రస్తుతం కాజల్ బాలకృష్ణ భగవంత్ కేసరి మూవీలో నటిస్తోంది. ఈ మూవీ ఈ ఏడాది దసరా పండగ సందర్భంగా ప్రేక్షకుల ముందుకు రానుంది. ఈ మూవీ కి అనిల్ రావిపూడి దర్శకత్వం వహిస్తుండగా, శ్రీలీల ప్రధాన పాత్ర పోషిస్తోంది. ఈ మూవీపై చాలా అంచనాలు ఉన్నాయి. మరోవైపు కాజల్ లీడ్ రోల్ సత్యభామ అనే ఉమెన్ సెంట్రిక్ మూవీ కూడా వస్తోంది.