'బ్రో' థియేటర్ లో జూనియర్ పవర్ స్టార్

ప్రస్తుతం టాలీవుడ్ బాక్సాఫీస్ వద్ద 'బ్రో' సినిమా సందడి వాతావరణం నెలకొంది. పవన్ అభిమానులు భారీగా తరలివస్తున్నారు. తెల్లవారుఝామున నుంచే థియేటర్ల దగ్గర నానా హంగామా చేస్తున్నారు. థియేటర్లలో ఈలలు, గోలలతో రచ్చ చేస్తున్నారు. పవన్ వన్ మ్యాన్ షో, బ్రో బ్లాక్ బస్టర్ హిట్ అంటూ తమ అభిప్రాయాలు వ్యక్తం చేస్తున్నారు.

సోషల్ మీడియా అంతా ఇదే రచ్చ కొనసాగుతోంది. ఎక్కడ చూసిన సినిమాకు సంబంధించిన వీడియోలు, థియేటర్ల దగ్గర అభిమానులు చేస్తున్న సందడే కనిపిస్తోంది. అయితే వీటన్నింటితో పాటు మరొకటి కూడా తెగ ట్రెండ్ అవుతోంది. అదే పవన్ తనయుడు అకీరానంద గురించి.

అభిమానుల లాగే అతడు కూడా తన తండ్రి సినిమా చూసేందుకు థియేటర్ కు వెళ్లాడు. ఆర్టీసీ క్రాస్ రోడ్స్ లోని సుదర్శన్ థియేటరు వచ్చి సందడి చేశాడు. ఇక దీంతో అభిమానుల ఆనందానికి అవధులు లేకుండా పోయాయి.

పవన్ సినిమా చూసేందుకు వచ్చిన వారికి డబుల్ బొనాంజ తగిలినట్టైంది. అకీరాను చూసిన ఆనందంలో ఫ్యాన్స్ అంతా హాలు బయట రచ్చ రచ్చ చేసేశారు. ఈలులు, గోలలతో థియేటర్ ప్రాంగణాన్ని దద్దరిల్లేలా చేసేశారు. సెల్ ఫోన్లతో అతడిని చిత్రీకరిస్తూ.. వీడియోను నెట్టింట్లో తెగ షేర్ చేశారు.

ఇక ఈ వీడియో చూసిన నెటిజన్లు, అభిమానులు 'జూనియర్ పవర్ స్టార్' అంటూ తెగ కామెంట్లు చేశారు. అకీరాను చూసి తెగ సంబరపడిపోయారు. ఏం కటౌట్ రా బాబు అంటూ విపరీతంగా మాట్లాడేసుకున్నారు. త్వరగా సినిమాల్లోకి రావాలి అంటూ కామెంట్లతో హోరెత్తించారు. ఇకపోతే ఈ వీడియోలో అకీరా వైట్ కలర్ టీ షర్ట్ లో మాస్క్ పెట్టుకుని స్టైలిష్ గా కారులో నుంచి దిగి థియేటర్ లోపలికి వెళ్లిపోయారు.

కాగా, పవర్ స్టార్ పవన్ కళ్యాణ్ అభిమానులు ఎప్పటి నుంచో ఆయన కొడుకు అకిరా నందన్ సినీ ఎంట్రీ కోసం ఎంతో కాలంగా ఆసక్తిగా ఎదురు చూస్తున్నారు. సిక్స్ ఫీట్ హైట్ తో మంచి బాడీతో ఉన్న అతడు.. తండ్రికి మించిన పెద్ద సూపర్ స్టార్ అవ్వడానికి అన్నీ విధాలుగా అర్హత ఉన్నవాడని అంటున్నారు. అతడు ఏదో ఒకరోజు గ్రాండ్ గా డెబ్యూ ఇస్తాడని ఆశిస్తున్నారు.