హత్య ట్రైలర్ 2.. విజయ్ న్యూ మిస్టరీ ఎలా ఉందంటే?

తమిళంలో విజయ్ అంటోనీ హీరోగా వచ్చే సినిమాలకి ప్రత్యేకమైన ఇమేజ్ ఉంటుంది. కంటెంట్ బేస్డ్ కథలని ఎంపిక చేసుకొని తనదైన శైలిలో ప్రేక్షకులకి అందిస్తూ ఉంటాడు. రీసెంట్ గా బిచ్చగాడు 2తో ప్రేక్షకుల ముందుకొచ్చి హిట్ కొట్టిన విజయ్ అంటోనీ ప్రస్తుతం హత్య అనే మూవీతో మరోసారి థియేటర్స్ లోకి రావడానికి రెడీ అవుతున్నాడు.

ఈ మూవీ బాలాజీ కుమార్ దర్శకత్వంలో ఈ మూవీ తెరకెక్కింది. తెలుగు, తమిళ్ భాషలలో హత్య టైటిల్ తోనే ఈ సినిమా రిలీజ్ కి రెడీ అవుతోంది. తాజాగా మూవీ ట్రైలర్ 2 ని రిలీజ్ చేశారు. ట్రైలర్ ఆరంభంలో మీనాక్షి చౌదరిని విజువల్ లో చూపిస్తూ స్టార్ట్ చేశారు. ఎంత జీవితంలో గెలిచిన చావు దగ్గర తప్పకుండా ఓడిపోతాం. నేనొక ప్రొఫెషనల్ మోడల్.

ఊపిరి ఉన్న బొమ్మ. ఏదో సాధించాలని అనుకునేలోపే నన్ను చంపేశారు అనే డైలాగ్ తో ఆమె చనిపోయిన విషయాన్ని రివీల్ చేసేశారు. ఆ కేసు ఇన్వెస్టిగేషన్ చేయడానికి డిటెక్టివ్ పాత్రలో విజయ్ అంటోనీ ఎంట్రీ ఇచ్చాడు. అక్కడి నుంచి ఆమె ఎలా చనిపోయింది. ఎవరు చంపారు. ఎందుకు చంపారు అనే కోణంలో విజయ్ ఎంక్వయిరీ చేసే ఎపిసోడ్స్ ని ఆవిష్కరించారు.

విజయ్ అంటోనీకి అసిస్టెంట్ గా రితికా సింగ్ పాత్ర ఉంది. ఇక లైలా అనే మోడల్ హత్య వెనుక మిస్టరీని చేధించే డిటెక్టివ్ కథాంశంతో సినిమా ఉండబోతోందని ట్రైలర్ తో అర్ధమవుతోంది. అలాగే చనిపోయిన లైలా ఆ డిటెక్టివ్ తో ఏదో చెప్పాలని ప్రయత్నం చేస్తున్నట్లు ట్రైలర్ లో ఆవిష్కరించారు. ఓవరాల్ గా ట్రైలర్ ఇంప్రెసివ్ గా ఉందని చెప్పొచ్చు.

కథ ఏంటి అనేది ట్రైలర్ లోనే చెప్పేశారు కాబట్టి కథనం ఎలా ఉండబోతోంది అనే క్యూరియాసిటీతోనే ఆడియన్స్ థియేటర్స్ కి వెళ్లి చూస్తారు. ఇలాంటి క్రైమ్ ఇన్వెస్టిగేషన్ థ్రిల్లర్స్ కి స్క్రీన్ ప్లే మ్యాజింగ్ చాలా ముఖ్యం, అదే సమయంలో బ్యాగ్రౌండ్ మ్యూజిక్ కూడా. ట్రైలర్ వరకు బ్యాగ్రౌండ్ మ్యూజిక్ ని గిరీష్ గోపాలక్రిష్ణన్ అందిస్తున్నారు. ఈ సినిమా జులై 21న ప్రేక్షకుల ముందుకి రాబోతోంది. మరి ఈ సినిమా ఏ స్థాయిలో థియేటర్స్ లో మెప్పిస్తుంది అనేది వేచి చూడాలి.