ఫ‌న్నీ వీడియో: బార్బీ జంట‌గా బ‌ద్ధ శ‌త్రువులు కంగ‌న-హృతిక్

గ్రీక్ గాడ్ హృతిక్ రోష‌న్ తో కంగ‌న వివాదం గురించి తెలిసిందే. హృతిక్ త‌న‌తో డేటింగ్ చేశాడ‌ని కానీ దానిని అంగీక‌రించ‌లేక‌పోతున్నాడ‌ని కంగ‌న ఆరోపించ‌గా దానిని అత‌డు ఖండించాడు. హృతిక్ సుసానే ఖాన్ (మాజీ భార్య‌)ను వివాహం చేసుకున్న స‌మ‌యంలోనే ఇదంతా జరిగింది. కొన్ని గొడ‌వ‌ల అనంత‌రం `వెర్రి మాజీ` అంటూ హృతిక్ ని కంగ‌న తూల‌నాడింది. దీంతో ఇరువురి మ‌ధ్యా గొడ‌వ పెద్ద‌దై పోలీస్ కేసులు కోర్టుల ప‌రిధికి చేరుకుంది. నిజానికి ఇరు పార్టీలు ఎప్పుడైనా డేటింగ్ చేశారో లేదో ఎప్పటికీ వెల్ల‌డి కాక‌పోయినా .. ఆ ఇద్ద‌రూ ప్రేమించుకుంటే ఎలా ఉంటుంది? అంటూ ఎంతో ఫ‌న్నీగా వీడియోని సృజించిన యువ‌కుడిపై ఇప్పుడు ప్ర‌శంస‌లు కురుస్తున్నాయి. ఆ ఇద్దరూ ప్రేమలో ఉంటే ఎలా కనిపిస్తారో కానీ `మార్గోట్ రాబీ- ర్యాన్ గోస్లింగ్ ల‌ బార్బీ` సహాయంతో అత‌డు స‌రిగ్గానే ఊహించాడు.

బార్బీ నిజానికి పిల్లల కోసం మాత్ర‌మే కాకుండా `ప్లాస్టిక్ బొమ్మ`లతో తమ బాల్యాన్ని గడిపిన పెద్దల కోసం రూపొందించిన గొప్ప ఫాంటసీ సినిమాల్లో ఒకటి. క్రిస్టోఫర్ నోలన్ `ఓపెన్‌హైమర్‌`తో పోటీగా ఈ చిత్రం విడుదలై కొన్ని రికార్డులను బద్దలు కొట్టింది. మార్గోట్ రాబీ -ర్యాన్ గోస్లిన్ వరుసగా బార్బీ , కెన్ పాత్ర‌లకు జీవం పోయడంతో ప్ర‌శంస‌లు కురిసాయి. సినిమాలో వారి కెమిస్ట్రీపై ప్ర‌శంస‌లు ద‌క్కాయి. ముఖ్యంగా ఆ ఇరువురూ ఒకరికొకరు ఎలా అతుక్కుపోయి ప్రేమ స‌న్నివేశాల్లో న‌టించారు? అన్న‌దానిపైనా చ‌ర్చ సాగుతోంది. బార్బీ ఫీవర్ మధ్య @the_indian_deepfaker అనే ఇన్‌స్టా క్రియేట‌ర్ కంగనా రనౌత్ -హృతిక్ రోషన్ ల‌తో బార్బీ లోని ఒక స‌న్నివేశాన్ని రీక్రియేట్ చేయ‌డం ఆస‌క్తిని క‌లిగించింది.

కంగనా-హృతిక్‌ల ఫోటోలను బార్బీ - కెన్‌లుగా ఆవిష్క‌రించ‌డంలో ఇన్ స్టా వీరుని ప‌నిత‌నాన్ని నిజంగానే ప్ర‌శంసించి తీరాలి. ఈ క్లిప్ శీర్షిక ఇలా ఉంది.`మేము `బార్బీ: అన్‌రావెల్డ్ రియాలిటీస్`ని ప్రదర్శిస్తున్నప్పుడు అంతిమ సినిమా అనుభవం కోసం మిమ్మల్ని మీరు బ్రేస్ చేసుకోండి - ఇది మిమ్మల్ని విస్మయానికి గురిచేసే విప్లవాత్మక డీప్‌ఫేక్ మాస్టర్‌పీస్!`` అనేది ఆ వ్యాఖ్య సారాంశం. ఈ క్లిప్‌లో గ్రీక్ గాడ్ ఇమేజ్‌కి అనుగుణంగా హృతిక్ స‌రిగ్గా స‌రిపోయాడు. వీడియోపై స్పందిస్తూ ఒక ఇన్‌స్టా వినియోగదారు ఇలా రాశారు.``ఇది కంగనా కాకూడదా?`` అని అత‌డు వ్యాఖ్యానించ‌గా.. ``ఇది ఆ జంట‌కు ఎందుకు అంతగా సరిపోతుంది?! అని ప్ర‌శ్నించాడు. బార్బీ చాలా భిన్నంగా ఎందుకు కనిపించిందో గ్ర‌హించిన వెంటనే నేను అరిచాను అని ఒక‌రు వ్యాఖ్యానించాడు. `ఇద్దరూ డూప్‌గా స‌రిపోయేలా కనిపిస్తున్నారు అని వేరొక‌రు వ్యాఖ్యానించారు.

హృతిక్ తో పాటు ప్ర‌ముఖ లిరిసిస్ట్ జావేద్ కి ఈ గొడ‌వ‌లో భాగం ఉంది. జావేద్ అక్తర్ పై కంగనా రనౌత్ న్యాయ పోరాటం చేస్తున్న నేపథ్యంలో ఈ క్లిప్ బయటకు వచ్చింది. హృతిక్ రోషన్‌తో బహిరంగ వివాదం తర్వాత జావేద్ అక్తర్ తనను త‌న‌ సోదరి రంగోలీని ``ద్వేషపూరిత ఉద్దేశాలు .. నిగూఢ ఉద్దేశ్యాలతో`` కామెంట్లు చేస్తూ నేరపూరితంగా బెదిరించడానికి ప్రయత్నించాడని కంగ‌న అప్ప‌ట్లో పేర్కొంది.