'బ్రో' కిల్లి కిల్లి రీమిక్స్​.. పవన్ వింటేజ్ బీట్​ అదిరిపోయిందహే

మరి రెండు రోజుల్లో బాక్సాఫీస్ వద్ద పవర్ స్టార్ పవన్ కల్యాణ్​ సందడి కనిపించనుంది. ఆయన.. తన మేనల్లుడు సాయి తేజ్​తో కలిసి నటించిన క్రేజీ మూవీ 'బ్రో' రిలీజ్​కు రెడీ అయిపోయింది. ఈ సినిమాలో పవన్​ ఫుల్ లెన్త్ రోల్ పోషించక పోయినప్పటికీ.. సినిమాపై పవర్ స్టార్ ఫ్యాన్స్ భారీ ఆశలు పెట్టుకున్నారు. ఎందుకంటే పవన్​ ఉన్నంత మూవీ హై లెవల్లో ఉంటుందని ఆశపడుతున్నారు.

ఇప్పటికే ఈ సినిమాలోని కొన్ని సన్నివేశాల్లో పవన్ వింటేజ్​ లుక్​లో కనిపించనున్నారని గతంలో పోస్టర్లు వచ్చిన సంగతి తెలిసిందే. దీంతో ఫ్యాన్స్​ మరింత ఆసక్తిగా సినిమా కోసం ఎదురుచూస్తున్నారు. అలాగే ఫ్యాన్స్​కు డబుల్ ట్రీట్​ ఇచ్చేందుకు పవన్ వింటేజ్​​ సూపర్ హిట్​ సాంగ్స్​ను ఇందులో రీమేక్ చేశారని వార్తలు వచ్చాయి. గుడుంబా శంకర్ సినిమాలోని 'కిల్లి కిల్లి' సాంగ్, ఇంకా 'వయ్యారి భామ', 'ఏదోలా ఉందీవేళ', 'సరిగమ పదనిస' వంటి సాంగ్స్​ను మిక్స్ చేసి తమన్​ బీట్​ కొట్టినట్లు ప్రచారం సాగింది.

అయితే ఇప్పుడు దాన్ని నిజం చేస్తూ.. తాజాగా జరిగిన ప్రీ రిలీజ్ ఈవెంట్​లో అభిమానుల్లో ఫుల్ జోష్​ నింపారు మేకర్స్​. గుడుంబా శంకర్ సినిమాలోని 'కిల్లి కిల్లి' సాంగ్​ను రీమిక్స్​ చేసి దానికి సంబంధించిన ప్రోమోను విడుదల చేశారు.

ఆ సాంగ్​ బీట్​ అదిరిపోయింది. ముఖ్యంగా పవన్, సాయితేజ్​, తమన్​ కలిసి వేసిన మాస్​ స్టెప్పులు పవన్ అభిమానులను ఊర్రూతలూగించేశాయి. ఈవెంట్​ హాలంతా ఈలలు, గోలలతో దద్దరిల్లిపోయింది. పవన్ అయితే వింటేజ్ కూలీ లుక్​లో లుంగీ, ఎర్రచొక్క వేసుకుని అదిరిపోయారు.

ప్రస్తుతం దీనికి సంబంధించిన ప్రోమో సోషల్​మీడియాలో తెగ వైరల్ అవుతోంది. అభిమానులు పండగ చేసుకుంటున్నారు. అయితే వాస్తవానికి ఈ చిత్రం నుంచి మొదట రిలీజ్ చేసిన రెండు పాటలకు అంతగా హైప్ రాలేదు.

ఆ సాంగ్స్ విషయంలో ఫ్యాన్స్ కాస్త నిరుత్సాహపడ్డారు. ఈ క్రమంలోనే రీసెంట్​గా బ్రో థీమ్​ లిరికల్ వీడియో సాంగ్​ రిలీజై గుస్​బంప్స్​ తెప్పించింది. లిరిక్స్​, తమన్ స్వరపరిచిన బీట్​ ఊపు తెప్పించింది. అలాగే ఇప్పుడు కిల్లి కిల్లి సాంగ్​ ప్రోమో ఆ ఉత్సాహాన్ని మరింత పెంచింది. అభిమానులు ఈ ప్రోమోను చూసి ర్యాంప్ ఆడేసింది పాట అంటూ కామెంట్లు పెడుతున్నారు.

మొత్తంగా ఈ రెండు పాటలు అప్పటివరకు సినిమాపై తక్కువగా ఉన్న హైప్​ను అమాంతం పెంచేశాయి. అభిమానులు తెగ సంబరపడిపోతున్నారు.ఇప్పుడు సోషల్​మీడియాలో ఎక్కడ చూసిన అవే కనపడుతున్నాయి. ఇకపోతే ఈ చిత్రానికి ఒరిజినల్ వెర్షన్​ వినోదయ సీతమ్​కు దర్శకత్వం వహించిన సముద్రఖనినే ఈ చిత్రాన్ని డైరెక్ట్ చేశారు.మాటల మాంత్రికుడు త్రివిక్రమ్​ స్క్రీన్​ ప్లే, మాటలు అందించారు.