వర్షానికి బెస్ట్ మ్యూజిక్ కాంబోగా ఆరాధ్య..!

వర్షాకాలం వచ్చేసింది. జోరుగా వర్షాలు కురుస్తున్నాయి. వర్షాకాలం చాలా రొమాంటిక్ గా ఉంటుంది.ఈ రొమాంటిక్ సీజన్ లో రొమాంటిక్ పాటలు వింటే ఆ ఫీల్ ఇంకా బాగుంటుంది. ఇప్పుడు ఈ సీజన్ కి బెస్ట్ సాంగ్ మాత్రం ఖుషీలోని ఆరాధ్య పాటే. ఈ విషయం మేం చెప్పడం లేదు. మూవీ టీమ్ చెబుతోంది. మేకర్స్ మూవీని ప్రజల్లోకి తీసుకువెళ్లడానికి ఏవేవో ప్రయత్నాలు చేస్తూ ఉంటారు. ఈ క్రమంలోనే ఖుషీ టీమ్ , ఈ వర్షాకాలంలో ఆరాధ్య పాట వినండి అంటూ పేర్కొనడం గమనార్హం.

ఇంతకీ మ్యాటరేంటంటే, సమంత, విజయ్ దేవర కొండ జంటగా నటిస్తున్న సినిమా ఖుషి. ఈ మూవీ పై రోజు రోజుకీ అంచనాలు పెరిగిపోతున్నాయి. ఈ సినిమా కంప్లీట్ లవ్ స్టోరీ అనే విషయం ఇప్పటికే అర్థమౌతోంది. లవ్ స్టోరీలు తెరకెక్కించడంలో మంచి నేర్పరి అయిన శివ నిర్వాణ ఈ మూవీకి కూడా దర్శకత్వం వహిస్తున్నారు. గతంలో నిన్ను కోరి, మజిలీ తో హిట్ కొట్టిన ఆయన ఖుషి లో మరో అందమైన ప్రేమ కథను ప్రేక్షకులకు పరిచయం చేయనున్నారు.

కాగా, ఈ మూవీ నుంచి ఇప్పటి వరకు రెండు పాటలు విడుదల చేయగా, రెండూ బాగా క్లిక్ అయ్యాయి. జనాల్లోకి బాగా రీచ్ అయ్యాయి. తాజాగా, ఆరాధ్య పాట మాత్రం ఫీల్ గుడ్ సాంగ్ గా జనాలకు చేరువౌతోంది. ఈ పాటను ఈ మాన్ సూన్ సీజన్ లో ఎంజాయ్ చేయండి అంటూ ఓ వీడియో విడుదల చేశారు. సిద్ శ్రీరామ్ ఈ పాట పాడాడు. హేషమ్ అబ్దుల్ వహాబ్ మ్యూజిక్ అందించాడు.

అయితే, మేకర్స్ చెప్పారు కదా అని, మీరు కూడా 'ద పర్ఫెక్ట్ సాంగ్ ఫర్ మాన్ సూన్' అని గూగుల్ లో సెర్చ్ చేయకండి. ఎందుకంటే, అందులో వేరే పాటలు వస్తున్నాయి కానీ, ఈ పాట రాదు. కేవలం ఇది మేకర్స్ ప్రమోషన్ ఐడియా కావడం విశేషం.

ఈ ఖుషీ మూవీని మైత్రీ మూవీ మేకర్స్ నిర్మిస్తోంది. తెలుగుతోపాటు హిందీ, తమిళం, కన్నడ, మలయాళం భాషల్లో ఖుషీ మూవీ రాబోతోంది. ఖుషీ సినిమాలో విజయ్ దేవరకొండ, సమంతతోపాటు జయరాం, మురళీ శర్మ, సచిన్ ఖేడేకర్, లక్ష్మి, అలీ, రోహిణి, వెన్నెల కిశోర్, రాహుల్ రామకృష్ణ నటిస్తున్నారు.

సమంత, విజయ్ గతంలో మహానటిలో నటించారు. ఇక శివ నిర్వాణ డైరెక్షన్ లో సమంత మజిలీలో నటించారు. ఆమె కెరీర్ బెస్ట్ సినిమాలో ఈ మూవీ కూడా ఉంటుంది. మరి ఈ సినిమాతో ఎలా ఆకట్టుకుంటారో చూడాలి.