ఎన్టీఆర్ బామ్మర్ది కొత్త సినిమా.. టీజర్ చూశారా?

టాలీవుడ్ స్టార్ హీరో ఎన్టీఆర్ బామ్మర్ది నార్నే నితిన్ హీరోగా తన కెరీర్ ని మొదలుపెట్టిన విషయం తెలిసిందే. ఇప్పటికే ఆయన మొదటి సినిమా షూటింగ్ పూర్తయ్యింది. ఆ సినిమాకి శ్రీశ్రీశ్రీ రాజా వారు అనే పేరును ఖరారు చేశారు. ఈ మూవీ విడుదకు సిద్ధమైంది. ఆయన హీరోగా రెండో సినిమా షూటింగ్ దశలో ఉండగానే, మరో సినిమాను లైన్ లో పెట్టాడు.

అయితే, ఈసారి యూత్ ఫుల్ మూవీని ఎంచుకున్నాడు. కాలేజ్ డేస్ నేపథ్యంలో సాగే సినిమా ఇది. ఇందులో నార్నే నితిన్ తో పాటు మరో ఇద్దరు హీరోలు కూడా ఉన్నారు. సంగీత్ శోభన్, రామ్ నితిన్ లు మరో ఇద్దరు హీరోలుగా చేస్తున్నారు. వీరు రీజనల్ ఇనిస్టిట్యూట్ ఆఫ్ ఇంజినీరింగ్ లో చదువుతున్నారు. వారు ఎలాంటి అల్లరి చేశారు? ఈ ముగ్గురు యువకుల కాలేజీ జీవితం ఎలా సాగింది అనే నేపథ్యంలో సినిమా సాగుతుంది. రీసెంట్ గా మూవీ టీజర్ విడుదల చేశారు.

దాదాపు నిమిషంన్నర సాగింది ఈ టీజర్. ఫుల్ ఫన్ గా సాగింది ఈ టీజర్. మూవీ టైటిల్ కి తగినట్లే వీరి అల్లరి కూడా సాగింది. ఇప్పటి వరకు కాలేజీ నేపథ్యంలో వచ్చిన దాదాపు అన్ని సినిమాలు మంచి హిట్ టాక్ తెచ్చుకున్నాయి. ఈ మూవీ ముఖ్యంగా వీరు చేసే అల్లరి సినిమాకి ప్లస్ అవుతుందని, ప్రేక్షకులకు కచ్చితంగా నచ్చుతుందని మూవీ టీమ్ భావిస్తోంది.

ఈ సినిమాలో జాతిరత్నాలు డైరెక్టర్ అనుదీప్ చిన్న పాత్రలో నటించినట్లు తెలుస్తోంది. ఈ సినిమాకు హారిక సూర్యదేవర నిర్మాతగా వ్యవహిరించనున్నారు. ప్రముఖ నిర్మాత సూర్యదేవర రాధాకృష్ణ కుమార్తె ఈ హారిక సూర్యదేవర. సితార ఎంటర్‌టైన్‌మెంట్స్‌ సహకారంతో, ఫార్చూన్ ఫోర్ సినిమాస్‌కు చెందిన సాయి సౌజన్య కూడా ఈ చిత్రానికి సహ నిర్మాతగా వ్యవహరిస్తున్నారు.

ఇక, ఈ సినిమాలో గౌరీ ప్రియా రెడ్డి, అనంతిక, గోపిక అనే ముగ్గురు అమ్మాయిలు హీరోయిన్లుగా పరిచయం అవుతున్నారు. కళ్యాణ్ శంకర్ దర్శకత్వం వహిస్తున్న ఈ సినిమాకి భీమ్స్ సిసిరోలియో సంగీతం అందిస్తున్నారు. షామ్ దత్ సైనుద్దీన్, దినేష్ కృష్ణన్ బి సినిమాటోగ్రఫీ, నేషనల్ అవార్డ్ విన్నింగ్ ఎడిటర్ నవీన్ నూలి ఈ సినిమాకి ఎడిటింగ్ బాధ్యతలు స్వీకరిస్తున్నారు. మరి, ఈ సినిమా ఈ యంగ్ హీరోల కెరీర్ ఎలా మలుపు తిప్పనుందో చూడాలి.