పొట్టి నిక్కరులో.. కూల్ గా సమంత గూఫీ డ్యాన్స్

స్టార్ హీరోయిన్ సమంత ప్రస్తుతం ఫుల్ జోష్ లో ఉంది. ఇటీవలే విజయ్ దేవరకొండతో 'ఖుషి', అలాగే 'సిటాడెల్' ఇండియన్ వెర్షన్ వెబ్​సిరీస్​ చిత్రీకరణలు కంప్లీట్ చేసింది. ఇక ఆమె సంవత్సరం పాటు సినిమాలకు బ్రేక్ ఇవ్వనుందంటూ గత కొద్ది రోజులుగా ప్రచారం సాగుతోంది.

ఈ ముద్దుగుమ్మ తన మయోసైటిస్​ రోగం నుంచి పూర్తిగా కోలుకోవడానికి విదేశాలకు వెళ్లే అవకాశం ఉందని అంతా మాట్లాడుకుంటున్నారు. కానీ ఆమె మాత్రం వెకేషన్​ ట్రిప్ అంటూ ఫుల్ గా చిల్ కొడుతూ​ ఎంజాయ్ చేస్తోంది. తాజాగా తన వెకేషన్ ట్రిప్ లో భాగంగా అదిరిపోయే డ్యాన్స్ వీడియోను షేర్ చేసింది.

కోయంబత్తూర్ ఇషా ఫౌండేషన్​ వెళ్లడంతో తన వెకేషన్ ట్రిప్​ను ప్రారంభించిన సామ్.. ఆ తర్వాత ఆలయాలను కూడా సందర్శించి ప్రత్యేక పూజలను చేయించింది. అలానే మరిన్ని ప్రదేశాలకు వెళ్లి.. తన ఫ్రెండ్ అనూషతో కలిసి సమయాన్ని గడుపుతూ లైఫ్ ను ఆస్వాదిస్తోంది. వాటికి సంబంధించిన ఫొటోలు, వీడియోలను ఇన్​స్టాగ్రామ్​లో అభిమానులతో షేర్ చేస్తోంది.

అలా అక్కడి ప్రకృతి అందాలను, మనసును తాకే ప్రదేశాలను చుట్టేస్తూ, ఆస్వాదిస్తూ బాగా ఎంజాయ్​ చేస్తోంది. రీసెంట్ గా ఈ ముద్దుగుమ్మ ఐస్ బాట్​ టబ్​ అంటూ ఓ వీడియోను కూడా షేర్ చేసింది. 'ఐస్ బాత్స్.. ఫోర్ డిగ్రీస్.. సిక్స్ మినిట్స్' అంటూ.. ఆరు నిమిషాల పాటు చల్లని నీళ్లలో కఠినంగా కూర్చొని పెద్ద సాహసమే చేసింది. అయితే ఇదొక ఐస్ థెరపీ అని తెలిసింది.

అలా తన ట్రిప్ లో భాగంగా ఇండోనేషియాలోని బాలి ప్రదేశానికి వెళ్లిన ఈ ముద్దుగుమ్మ.. తాజాగా అక్కడ తన ఫ్రెండ్ తో కలిసి ఓ స్పెషల్ డ్యాన్స్‌ చేస్తున్న వీడియోను అభిమానులతో షేర్ చేసుకుంది. గ్రుపో రఫగా బ్యాండ్‌ సమకూర్చిన మెంటిరోసా మ్యూజిక్‌ అంట ఇది.

ఈ మ్యూజిక్ కు తన స్నేహితురాలు అనూషతో కలిసి గూఫి డ్యాన్స్‌ స్పెప్పులు వేసింది. ఇందులో సమంత జీన్ చడ్డీ, వైట్ టాప్ లో ఎంతో క్యూట్ గా కనిపించింది. అలానే అంతే క్యూట్ గా సింపుల్ గా చిందులేసింది. ప్రస్తుతం ఈ వీడియో సోషల్ మీడియాలో తెగ చక్కర్లు కొడుతోంది.

ఇకపోతే రీసెంట్ గా సమంత నటించిన 'ఖుషి' సినిమా రిలీజ్ కు రెడీ అయింది. విజయ్‌ దేవరకొండ హీరోగా నటించారు. ఈ చిత్రానికి శివ నిర్వాణ దర్శకత్వం వహించారు. ఇప్పటికే విడుదలైన పాటలు సోషల్ మీడియాలో సెన్సేషన్ క్రియేట్ చేశాయి. ఈ పాటలు వింటుంటే సినిమా మ్యూజికల్ హిట్ పక్కా అనిపిస్తోంది. ఈ చిత్రం సెప్టెంబర్ 1న రిలీజ్ కానుంది.