స్వ‌లింగ‌సంప‌ర్కురాలి పాత్ర‌లో సుస్మితాసేన్ అభినివేశం

మాజీ విశ్వ‌సుంద‌రి సుస్మితా సేన్ న‌టించిన‌ వెబ్ సిరీస్ `తాలి` స్వాతంత్య్ర‌దినోత్సవం రోజున జియోసినిమాలో స్ట్రీమింగ్ కానుంది. జాతీయ అవార్డు విజేత‌ రవి జాదవ్ దర్శకత్వం వహించిన బ‌యోపిక్ సిరీస్ ఇది. లింగమార్పిడి కార్యకర్త గౌరీ సావంత్ జీవిత‌ పోరాటం ఎదుగుద‌ల అస‌మాన‌మైన శ‌క్తియుక్తుల‌పై ఉత్కంఠ క‌లిగించే సిరీస్ ఇద‌ని చిత్ర‌బృందం చెబుతోంది.

తాలి టీజ‌ర్ ఆద్యంతం సుస్మితాసేన్ న‌ట‌విన్యాసాలు ప్రేక్ష‌కుల హృద‌యాల‌ను హ‌త్తుకుంటున్నాయి. ముఖ్యంగా హిజ్రా పాత్ర‌లో సుస్మితాసేన్ అభినివేశం వంద‌శాతం సూట‌యింద‌న్న ప్ర‌శంస‌లు ద‌క్కాయి. స్వ‌త‌హాగానే సుస్మిత లుక్ ఇలాంటి సాహ‌సోపేత‌మైన పాత్ర‌కు స‌రిపోయింది. చీర‌క‌ట్టు నుదుటిన కుంకుమ‌బొట్టు న‌డ‌క తీరు ముఖాభిన‌యం ప్ర‌తిదీ స్వ‌లింగ‌సంప‌ర్కురాలికి మ‌రో రూపంగా క‌నిపించింది. ప్ర‌స్తుతం ఈ టీజ‌ర్ అంత‌ర్జాలంలో వైర‌ల్ గా మారింది.

గుండెపోటుకు గురైన‌ తర్వాత కొన్ని నెలలకు సుస్మితా సేన్ `ఆర్య` మూడవ సీజన్ చిత్రీకరణను తిరిగి ప్రారంభించింది. విమర్శకుల ప్రశంసలు పొందిన షో `ఆర్య`తో డిజిటల్ అరంగేట్రం చేసిన సేన్ ఈ షోని విజ‌య‌వంతంగా కొన‌సాగిస్తోంది. ఇటీవ‌ల‌ తన సోషల్ మీడియాలో ఆర్య టీజర్‌ను షేర్ చేసిన సంగ‌తి తెలిసిందే. తాలీతో పాటు, డిస్నీ+ హాట్‌స్టార్‌లో విడుదల కానున్న ఆర్య మూడవ సీజన్‌లోను సుస్మితా సేన్ కనిపించ‌నుంది.