జైలర్ ఆగేట్టులేడు.. పవన్ బ్రో రికార్డ్ బ్రేక్..

సూపర్ స్టార్ రజనీకాంత్‌ కొత్త చిత్రం జైలర్ దూకుడు ఇప్పట్లో ఆగేట్టు కనపడట్లేదు. విడుదలైన దాదాపు 25 రోజులు అవుతున్నా.. ఇంకా రికార్డులు తిరగరాస్తూనే ఉంది. రిలీజైన మొదటి రోజు నుంచే దూసుకెళ్తున్న ఈ మూవీ బాక్సాఫీస్ వద్ద తన జోరును ఇంకా కొనసాగిస్తూనే ఉంది. ఇప్పుటికే వరల్డ్ వైడ్ గా రూ.600కోట్లకుపైగా గ్రాస్ కలెక్షన్లను అందుకున్న ఈ చిత్రం.. తాజాగా ఓవర్సీస్ లో మరో రికార్డ్ ను బ్రేక్ చేసి సెన్సేషనల్ ఫీట్ అందుకుంది.

వివరాళ్లోకి వెళితే.. దాదాపు పుష్కర కాలం తర్వాత ఈ జైలర్ చిత్రంతో సాలిడ్ హిట్ ను అందుకున్నారు రజనీ. కాంత్. దీంతో ఆయన అభిమానులు ఉబ్బితబ్బిబ్బవుతున్నారు. రోబో 2.0 తర్వాత వసూళ్లు పరంగా రజనీకాంత్ ఆ స్థాయి విజయం అందుకోవడం ఇదే మొదటి సారి. విక్రమ్‌, పొన్నియన్ సెల్వన్‌ వంటి ఇండస్ట్రీ హిట్ సినిమాలను కూడా కేవలం పదే పది రోజల్లోనే బీట్ చేసేశారు.

తెలుగు స్టేట్స్, తమిళనాడు, కేరళ, కర్ణాటక సహా ఓవర్సీస్ లోనూ ఈ అల్ట్రా యాక్షన్ చిత్రం చిత్రం భారీ వసూళ్లను అందుకుంది. ఇప్పటికే ఓవర్సీస్ లోనూ పలు రికార్డ్ లను బ్రేక్ చేసింది. ఈ క్రమంలోనే ఇప్పుడు యూఎస్ ఏ బాక్సాఫీస్ ముందు జైలర్ తెలుగు వెర్షన్ ఓ మార్క్ ను అందుకుంది. అక్కడ పవన్ కల్యాణ్ బ్రో సినిమా వసూళ్లను అధిగిమించింది. బ్రో ది అవతార్ సినిమా 1.43మిలియన్ డాలర్లను వసూలు చేయగా... ఇప్పుడు జైలర్ తెలుగు వెర్షన్ ఆ వసూళ్లను దాటి 1.44 మిలియన్ డాలర్లను అందుకోవడం విశేషం.

కాగా, నెల్సన్ దిలీప్‌కుమార్ దర్శకత్వం వహించిన ఈ జైలర్ చిత్రంలో వినాయకన్, రమ్య కృష్ణ, వసంత్ రవి, తమన్నా భాటియా, సునీల్, యోగిబాబు సహా పలువురు కీలక పాత్రలు పోషించారు. కన్నడ సూపర్ స్టార్ శివ రాజ్‌కుమార్, మలయాళ మెగాస్టార్ మోహన్‌లాల్, బాలీవుడ్ ప్రముఖ నటుడు జాకీ ష్రాఫ్.. క్యామియో రోల్స్ లో తమ పవర్ ఫుల్ యాక్టింగ్ తో అదరగొట్టేశారు. ఇక రజనీ పాత్రకు ఎలివేషన్ ఇస్తూ.. అనిరుధ్ రవిచందర్ అందించిన సంగీతం సినిమాకే హైలైట్ గా నిలిచింది. సన్ పిక్చర్స్ ఈ చిత్రాన్ని దాదాపు రూ. 200కోట్లతో తెరకెక్కించింది.

ఈ విజయోత్సాహంలో సన్ పిక్చర్స్ అధినేత కళానిధి మారన్.. రీసెంట్ గా రజనీకాంత్, దర్శకుడు నెల్సన్ కుమార్ అదిరిపోయే కాస్ట్లీ కార్లను బహుమతిగా కూడా ఇచ్చారు. స్పెషల్ చెక్స్ ను కూడా అందించారు. ఇకపోతే రజనీ త్వరలోనే తన కొత్త సినిమాను జ్ఞానవేల్ దర్శకత్వంలో చేసేందుకు సిద్ధమవుతున్నారు. త్వరలోనే ఇది సెట్స్ పైకి వెళ్లనుంది.