మ‌రో బాలీవుడ్ హీరో సౌత్ లో విల‌నీ

బాలీవుడ్ నుంచి సౌత్ కి విల‌న్ల వెల్లువ కొన‌సాగుతూనే ఉంది. సోనూ సూద్.. రాహుల్ దేవ్.. విద్యుత్ జ‌మ్వాల్.. ఉపేన్ ప‌టేల్.. వివేక్ ఒబెరాయ్.. నీల్ నితిన్ ముఖేష్ వీళ్లంతా సౌత్ లో విల‌న్లుగా న‌టించారు. సోనూసూద్ టాలీవుడ్ లో ఫేమ‌స్ విల‌న్. ఇటీవ‌లే సూపర్ స్టార్ ర‌జ‌నీకాంత్ న‌టించిన 2.0 చిత్రంలో బాలీవుడ్ స్టార్ హీరో అక్ష‌య్ కుమార్ విల‌న్ గా న‌టించారు. ర‌జ‌నీ కాంత్ కు ధీటైన పాత్ర‌లో శంక‌ర్ అత‌డిని చూపించారు. ఇక ఆగ‌స్టులో రిలీజ్ కి రాబోతున్న‌ `సాహో` చిత్రంలోనూ నీల్ నితిన్ ముఖేష్ విల‌న్ గా న‌టిస్తున్నారు. ప్ర‌భాస్ కు ధీటైన పాత్ర‌ను నీల్ నితిన్ చేస్తున్నార‌న్న స‌మాచారం ఉంది.

వీళ్లే కాదు. బాలీవుడ్ నుంచి ప‌లువురు హీరోలు సౌత్ లో విల‌న్లు అయ్యేందుకు ఆస‌క్తిని క‌న‌బ‌ర‌చ‌డం చ‌ర్చ‌కొస్తోంది. వివేక్ ఒబెరాయ్ .. నీల్ నితిన్ .. విద్యుత్ జ‌మ్వాల్ బాలీవుడ్ లో హీరోలుగా న‌టించి సౌత్ లో విలన్లు అయ్యారు. ఇప్పుడు అదే బాట‌లో మ‌రో బాలీవుడ్ హీరో సౌత్ లో విల‌న్ అవుతున్నారు. పేరు అభ‌య్ డియోల్. బ్లాక్ బ‌స్ట‌ర్ `జింద‌గి న మిలేగి దొబారా` చిత్రంలో న‌టించిన‌ అభ‌య్ ద‌శాబ్ధ కాలంగా బాలీవుడ్ లో కొన‌సాగుతున్నారు. ప్ర‌స్తుతం ల‌వ్‌ ఆఫ్ డిసెంట్.. బౌంటీ హంట‌ర్ చిత్రాల్లో న‌టిస్తున్నాడు.

మ‌రోవైపు శివకార్తికేయన్  న‌టిస్తున్న త‌మిళ చిత్రం `హీరో`లో విల‌న్ గా న‌టించేందుకు అంగీక‌రించాడు.  `అభిమన్యుడు` ఫేమ్‌ పీఎస్‌ మిత్రన్ ద‌ర్శ‌క‌త్వం వ‌హిస్తున్న యాక్షన్ చిత్ర‌మిది. ఇందులో యాక్ష‌న్ కింగ్ అర్జున్ ఓ కీల‌క పాత్ర పోషిస్తుండ‌గా అభ‌య్ డియోల్ విల‌నీతో మైమ‌రిపిస్తాడ‌ట‌. మ‌రో ట్యాలెంటెడ్ న‌టుడు న‌వాజుద్దీన్ సైతం త‌మిళంలో విల‌న్ గా ఎంట్రీ ఇస్తున్న సంగ‌తి తెలిసిందే. ఈ వెల్లువ చూస్తుంటే సౌత్ లో విల‌న్లుగా న‌టించేందుకు బాలీవుడ్ స్టార్లు ఎంతో ఆస‌క్తిగా ఉన్నార‌ని అర్థ‌మ‌వుతోంది.