వాళ్లిద్దరికీ బంపరాఫర్ ఇచ్చిన బన్నీ

ప్రస్తుతం అల్లు అర్జున్ డీజే-దువ్వాడ జగన్నాధం మూవీ చేస్తున్న సంగతి తెలిసిందే. హరీశ్ శంకర్ దర్శకత్వంలో తెరకెక్కుతున్న ఈ చిత్రంలో స్టైలిష్ స్టార్ డ్యుయల్ రోల్ చేస్తున్నాడు కూడా. మరి ఈ సినిమా తర్వాత బన్నీ చేయబోయే మూవీ ఏంటి అనే విషయంపై కూడా క్లారిటీ ఉంది. లింగుస్వామి దర్శకత్వంలో తెలుగు-తమిళ్ బై లింగ్యువల్ చేయనున్నాడు. ఆ తర్వాత బన్నీ చేయనున్న చిత్రం కూడా కన్ఫాం అయిందన్నది లేటెస్ట్ టాక్.

వక్కంతం వంశీ దర్శకత్వంలో మూవీకి ఓకే చెప్పేశాడట స్టైలిష్ స్టార్. లగడపాటి శ్రీధర్ ఈ చిత్రాన్ని నిర్మించనున్నాడని తెలుస్తోంది. స్టార్ రైటర్ అనిపించుకున్నా.. దర్శకత్వం అవకాశం కోసం చాలా ఏళ్లుగా ఎదురుచూస్తున్నాడు వక్కంతం వంశీ. చాలామంది స్టార్లతోనే ప్రయత్నాలు చేశాడు. చివరకు ఆ ఛాన్స్ బన్నీ ఇస్తున్నాడని అంటున్నారు. మరోవైపు లగడపాటి శ్రీధర్ ఇప్పటివరకూ చిన్న సినిమాల నిర్మాతే.

ఇప్పుడు స్టైలిష్ స్టార్ తో మూవీ చేయడం ద్వారా తొలిసారిగా స్టార్ హీరోతో సినిమా చేస్తూ బిగ్ లీగ్ లోకి అడుగు పెట్టనున్నాడు ఈ నిర్మాత. ఇలా ఒకేసారి ఇద్దరికి బంపరాఫర్ ఇచ్చి.. వాళ్లకు ప్రమోషన్ ఇస్తున్నాడు స్టైలిష్ స్టార్. త్వరలోనే ఈ మూవీకి సంబంధించిన అనౌన్స్ మెంట్ రావచ్చని తెలుస్తోంది.

Like Us on Facebook : https://www.facebook.com/Tupakidotcom/