బాలయ్య అభిమానుల్లో దడ

గత కొన్నేళ్లలో ఒక్క ‘టెంపర్’ను మినహాయిస్తే పూరి జగన్నాథ్ నుంచి యావరేజ్ మూవీలు కూడా రాలేదు. దానికి ముందు వెనుక డిజాస్టర్లే తీశాడు పూరి. ‘టెంపర్’ స్క్రిప్టు కూడా ఆయనది కాదన్న సంగతి తెలిసిందే. ‘టెంపర్’ తర్వాత వచ్చిన మూడు సినిమాలు ఒకదాన్ని మించి ఒకటి ఫ్లాపయ్యాయి. ఈ సినిమాలు చూశాక పూరి వీరాభిమానుల్లో కూడా ఆయన మీద నమ్మకం తగ్గిపోయింది. ఇలాంటి సమయంలో నందమూరి బాలకృష్ణ పూరితో జట్టు కట్టాలనుకోవడం చూసి ఆయన అభిమానుల్లో కంగారు మొదలైంది. ఐతే ఇది జస్ట్ రూమరే అనుకుంటుంటే.. హడావుడిగా సినిమా మొదలుపెట్టేసి షాకిచ్చాడు బాలయ్య.

తొలి షెడ్యూల్ అయిందని.. యాక్షన్ సీక్వెన్స్ భలే వచ్చిందని.. బాలయ్య ఎనర్జీ అదుర్స్ అని.. అభిమానులు ఎలా చూడాలనుకుంటున్నారో బాలయ్యను అలా చూపిస్తానని పూరి అంటుంటే కాస్త ఊరట చెందారు. కానీ ఇందులో నందమూరి అభిమానుల ఆశలపై ‘రోగ్’ పిడుగు పడింది. చాలా తక్కువ అంచనాలతో చూస్తున్నా నిరాశ పరుస్తున్న చిత్రమిది. పూరిలో క్రియేటివిటీ అంతా అడుగంటిపోయినట్లుగా అనిపించింది సినిమా చూస్తుంటే. ఇలాంటి సినిమా తర్వాత పూరి బాలయ్యతో సినిమా చేస్తుండటంతో అభిమానుల్లో దడ పుడుతోంది. ‘రోగ్’ అనుకోకుండా అలా తీసేశాడేమోలే అనుకోవడానికి కూడా లేదు. దానికి ముందు కూడా పూరి నుంచి పేలవమైన సినిమాలే వచ్చాయి. ఆల్రెడీ నందమూరి ఫ్యామిలీకే చెందిన కళ్యాణ్ రామ్ కు ‘ఇజం’తో షాకిచ్చాడు పూరి. మరి బాలయ్యతో ఆయన చేస్తున్న సినిమా ఎలా వస్తుందో ఏమో మరి.

Like Us on Facebook : https://www.facebook.com/Tupakidotcom/