స్టార్ డైరెక్టర్ ప్రాజెక్ట్ కి అడ్డు తగలాలని చూస్తున్న ప్రొడ్యూసర్...!

టాలీవుడ్ స్టార్ హీరో కొంత విరామం తర్వాత వరుస సినిమాలు అనౌన్స్ చేస్తూ అందరిని ఆశ్చర్యపరుస్తున్నాడు. ఇప్పటికే నాలుగు ప్రాజెక్ట్స్ అధికారికంగా ప్రకటించిన సదరు హీరో.. ఇటీవలే మరో సినిమా చేయడానికి గ్రీన్ సిగ్నల్ ఇచ్చాడు. ఆ హీరోని ఎంతగానో అభిమానించే వ్యక్తి ఈ చిత్రాన్ని నిర్మించనున్నాడు. వీరి కాంబినేషన్ లో మూవీ రాబోతుందని ప్రకటన రావడంతో స్టార్ హీరో సైన్ చేసిన మూవీస్ అన్నీ సైలెంట్ అయిపోయాయి. ఆ హీరో ఈ సినిమాలన్నీ ఎప్పుడు కంప్లీట్ చేస్తారో అని ఆలోచించినవారు.. ఇప్పుడు ఆ ప్రొడ్యూసర్ తో సినిమా ఎప్పుడు ఉంటుందని మాట్లాడుకోవడం స్టార్ట్ చేశారు. గతంలో వీరి కాంబినేషన్ లో ఓ బ్లాక్ బస్టర్ సినిమా రావడంతో ఫ్యాన్స్ సైతం మిగతా ప్రాజెక్ట్స్ పై ఫోక‌స్ తగ్గించి ఈ హీరో - ఫ్యాన్ కాంబోపై ఫోక‌స్ పెట్టారని ఇండ‌స్ట్రీలో కామెంట్స్ వినిపిస్తున్నాయి.

అయితే ఇప్పుడు సదరు ప్రొడ్యూసర్ స్టార్ హీరోతో ప్రాజెక్ట్ కి ఆమోదం తెచ్చుకోవడానికి కారణం మరో సినిమాకి అడ్డు త‌గ‌ల‌డానికే అని ఇన్ సైడ్ టాక్ నడుస్తోంది. ఇంతకముందు తనకు హిట్ ఇచ్చిన ఓ డైరెక్టర్ చెప్పిన స్టోరీ లైన్ కి హీరో ఓకే చెప్పాడు. దీంతో ఆ స్టార్ డైరెక్టర్ స్క్రిప్ట్ వర్క్ కంప్లీట్ చేసుకునే పనిలో ఉన్నాడు. అయితే ఈ డైరెక్టర్ తో ఒకప్పుడు వివాదం ఉన్న సదరు ప్రొడ్యూసర్.. ఎట్టి ప‌రిస్థితుల్లో ఆ ప్రాజెక్ట్ కంటే ముందే ఒక మాస్ మ‌సాలా సినిమా స్టార్ట్ చేయాలని పావులు కదుపుతున్నాడని ఫిలిం సర్కిల్స్ లో అనుకుంటున్నారు. ప్రస్తుతం ఓ సినిమాని కంప్లీట్ చేసే పనిలో ఉన్న స్టార్ హీరో.. ఈ ప్రొడ్యూసర్ తో చేయబోయే సినిమాని ఎప్పుడు ప్రారంభిస్తాడో చూడాలి.