బ్రహ్మోత్సవం సినిమాను ముందు ఏప్రిల్ 29న విడుదల చేయాలనుకున్నారు. కానీ అనుకున్న ప్రకారం షూటింగ్ జరక్కపోవడంతో మే నెలకు వాయిదా పడిందా సినిమా. ఓ దశలో మే 31న సూపర్ స్టార్ కృష్ణ పుట్టిన రోజు సందర్భంగా సినిమా రిలీజ్ చేస్తారన్న ప్రచారం జరిగింది. తర్వాత మే నెల మధ్యలో అన్నారు. ఐతే తాజా సమాచారం ప్రకారం మే 6నే ‘బ్రహ్మోత్సవం’ రిలీజ్ కు రెడీ అయిపోతున్నట్లు వార్తలు వస్తున్నాయి. ‘బ్రహ్మోత్సవం’ యూనిట్ సభ్యులే స్వయంగా సినిమాకు సంబంధించిన అప్ డేట్స్ ఇస్తూ రిలీజ్ డేట్ మే 6 అని చెప్పడం విశేషం. ఈ రోజు కొన్ని పత్రికల్లో సైతం ఈ తేదీని కన్ఫమ్ చేస్తూ వార్తలు వచ్చాయి.
మధ్యలో షూటింగ్ కొంచెం డిలే అయినప్పటికీ.. తర్వాత ఊపందుకున్న ‘బ్రహ్మోత్సవం’ టీమ్ ఒక షెడ్యూల్ ను అనుకున్న దాని కంటే ముందే పూర్తి చేసినట్లు సమాచారం. ప్రస్తుతం రామోజీ ఫిలిం సిటీలో చివరి షెడ్యూల్ చిత్రీకరణ జరుగుతోంది. పతాక సన్నివేశాలు తీస్తున్నారు. ఈ నెల పదో తారీఖు కల్లా మొత్తం టాకీ పార్ట్ అంతా అయిపోతుందని సమాచారం. 11 నుంచి 20 వరకు పుణెలో రెండు పాటలు తీస్తే సినిమా ఫినిష్ అయిపోతుంది. ఏప్రిల్ 24న ఆడియో వేడుకకు ప్లాన్ చేశారు. కుదిరితే మే 6న సినిమాను రిలీజ్ చేసేయాలని చూస్తున్నారట. ఇదే నిజమైతే మిగతా సినిమాల షెడ్యూళ్లన్నీ కిందికి మీదికి అయిపోవడం ఖాయం. ముఖ్యంగా మహేష్ మిత్రుడు త్రివిక్రమ్ కొత్త సినిమా ‘అ..ఆ’ మే 6కే ఫిక్స్ అయి ఉంది. ‘సుప్రీమ్’ను కూడా అదే రోజు లేదంటే ముందు వారం విడుదల చేద్దామని అనుకుంటున్నారు. మరి ఈ రెండు సినిమాలు ఏమవుతాయో చూడాలి.
మధ్యలో షూటింగ్ కొంచెం డిలే అయినప్పటికీ.. తర్వాత ఊపందుకున్న ‘బ్రహ్మోత్సవం’ టీమ్ ఒక షెడ్యూల్ ను అనుకున్న దాని కంటే ముందే పూర్తి చేసినట్లు సమాచారం. ప్రస్తుతం రామోజీ ఫిలిం సిటీలో చివరి షెడ్యూల్ చిత్రీకరణ జరుగుతోంది. పతాక సన్నివేశాలు తీస్తున్నారు. ఈ నెల పదో తారీఖు కల్లా మొత్తం టాకీ పార్ట్ అంతా అయిపోతుందని సమాచారం. 11 నుంచి 20 వరకు పుణెలో రెండు పాటలు తీస్తే సినిమా ఫినిష్ అయిపోతుంది. ఏప్రిల్ 24న ఆడియో వేడుకకు ప్లాన్ చేశారు. కుదిరితే మే 6న సినిమాను రిలీజ్ చేసేయాలని చూస్తున్నారట. ఇదే నిజమైతే మిగతా సినిమాల షెడ్యూళ్లన్నీ కిందికి మీదికి అయిపోవడం ఖాయం. ముఖ్యంగా మహేష్ మిత్రుడు త్రివిక్రమ్ కొత్త సినిమా ‘అ..ఆ’ మే 6కే ఫిక్స్ అయి ఉంది. ‘సుప్రీమ్’ను కూడా అదే రోజు లేదంటే ముందు వారం విడుదల చేద్దామని అనుకుంటున్నారు. మరి ఈ రెండు సినిమాలు ఏమవుతాయో చూడాలి.